Faarfannaa 7:1-17
-
Yihowaan Abbaa Murtii qajeelaa dha
-
‘Yaa Yihowaa, murtii naaf kenni’ (8)
-
Faaruu gaddaa Daawit dubbii Kuush Biiniyaamichaa ilaalchisee Yihowaadhaaf faarfate.
7 Yaa Waaqa koo Yihowaa, ani sitti kooluu galeera.+
Warra na ariʼatan hundumaa jalaa na oolchi, na baraaris.+
2 Taʼuu baannaan garuu isaan akkuma leencaatti na* cicciru,+Kan na oolchu utuu hin jiraatin na fudhatanii deemu.
3 Yaa Waaqa koo Yihowaa, ani gama kanaan dogoggoreera yoon taʼe,Haqa jalʼiseera yoon taʼe,
4 Isa wanta gaarii naaf godhe irratti balleessaa raawwadheera yoon taʼe+Yookiin sababii malee diina koo saameera yoon taʼe,*
5 Diinni ariʼee na* haa dhaqqabu;Lubbuu koo lafa irratti haa dhidhiitu,Ulfinni koos biyyoo keessatti akka badu haa godhu. (Seelaa)
6 Yaa Yihowaa, dheekkamsa keetiin kaʼi;Aarii diinota koo irrattis kaʼi;+Naaf dammaqi, haqnis akka raawwatamu ajaji.+
7 Saboonni sitti haa marsan;Atis ol gubbaadhaa isaan irratti tarkaanfii ni fudhatta.
8 Yihowaan namoota irratti murtii ni dabarsa.+
Yaa Yihowaa, akka qajeelummaa kootti,Akka amanamummaa koottis murtii naaf kenni.+
9 Maaloo, gocha hamminaa hamoonni raawwatan dhaabsisi.
Qajeelota garuu hundeessii dhaabi,+Sababiin isaas, ati Waaqa qajeelaa+ garaa namaa fi miira gad fagoo* qoru dha.+
10 Waaqayyo gaachana koo ti,+ inni warra garaa isaaniitti qajeelota taʼaniif Fayyisaa dha.+
11 Waaqayyo Abbaa Murtii qajeelaa ti,+Guyyaa hundumaas murtiiwwan isaa ni labsa.*
12 Namni tokko yaada isaa yoo geddarachuu baate,+ inni goraadee isaa ni qarata;+Iddaa isaas dabsee ni qopheeffata.+
13 Inni meeshaawwan waraanaa isaa warra nama ajjeesan,Xiyyawwan isaa warra bobaʼanis ni qopheeffata.+
14 Isa hammina ulfaaʼe ilaali;Inni rakkina garaatti baata, sobas ni dhala.+
15 Inni gad fageessee boolla ni qota,Taʼus boolluma qote keessatti ni kufa.+
16 Rakkinni inni uume mataa isaa irratti ni deebiʼa;+Hamminni isaas gubbee mataa isaa irratti ni buʼa.
17 Haqa isaatiif Yihowaa nan jajadha;+Maqaa Yihowaa Isa Hundaa Oliitiif+ faarfannaa galataa nan faarfadha.*+
Miiljaleewwan
^ Ykn., “lubbuu koo.”
^ Ykn tarii, “Isa sababii malee na mormu oolcheera yoon taʼe.”
^ Ykn., “lubbuu koo.”
^ Ykn., “garaa fi kalee.”
^ Ykn., “balaaleffannaa isaa ni darbata.”
^ Ykn., “muuziqaa nan qopheessa.”
