Faarfannaa 76:1-12
Geggeessaa muuziqaatiif; meeshaawwan muuziqaa ribuu qabaniin kan faarfatamu. Faarfannaa Asaaf.+ Faarfannaa.
76 Waaqayyo Yihudaa keessatti beekamaa dha;+Israaʼel keessattis maqaan isaa guddaa dha.+
2 Godoon isaa Saalem keessa,+Iddoon jireenyaa isaas Xiyoon keessa jira.+
3 Achitti inni xiyyawwan bobaʼan,Gaachana, goraadee fi meeshaawwan waraanaa caccabseera.+ (Seelaa)
4 Ati akka gaariitti ni ibsita;*Ati gaarota adamoo caalaa ulfina qabeessa dha.
5 Warri onneen isaanii onnataa taʼe saamamaniiru.+
Isaan rafaniiru;Loltoonni hundi gargaarsa kan hin qabne taʼaniiru.+
6 Yaa Waaqa Yaaqoob, dheekkamsa keetiin kan kaʼe,Inni gaarii fardaa oofus taʼe fardichi hirriba cimaa rafaniiru.+
7 Si qofatu sodaachisaa dha.+
Eenyutu dheekkamsa kee isa guddaa dura dhaabbachuu dandaʼa?+
8 Ati samii irraa murtii dabarsiteetta;+Lafti sodaattee calluma jetteetti;+
9 Kunis kan taʼu, Waaqayyo garraamota lafa irra jiraatan hundumaa oolchuuf+Yommuu murtii kennuuf kaʼutti dha. (Seelaa)
10 Sababiin isaas, dheekkamsi namaa ati akka jajamtu godha;+Atis dheekkamsa isaanii isa hafeen of miidhagsita.
11 Waaqa keessan Yihowaadhaaf wareega wareegaa, wareega keessanis raawwadhaa,+Warri naannoo isaatti argamtan hundi sodaadhaan kennaa keessan fidaa.+
12 Inni of tuulummaa* geggeessitootaa gad ni qaba;Mootota lafaa keessattis sodaa ni uuma.
