Faarfannaa 81:1-16
Geggeessaa muuziqaatiif; Giitiititti.* Faarfannaa Asaaf.+
81 Waaqa isa jabina keenya taʼeef ililchaa.+
Waaqa Yaaqoobiif miira injifannootiin ililchaa.
2 Muuziqaa taphachuu jalqabaa, dibbees rukutaa,Baganaa namatti toluu fi meeshaa muuziqaa ribuu qabus fudhadhaa.
3 Guyyaa ayyaana keenyaatiif, guyyaa baatii haaraatti,Guyyaa baatii guutuutti xurumbaa afuufaa.+
4 Sababiin isaas, kun Israaʼeliif labsii dha,Murtii Waaqa Yaaqoob biraa dhufe dhas.+
5 Inni yeroo biyya Gibxii keessa darbetti,+Kana Yoseefiif yaadachiisa godhee kenne.+
Ani sagalee* akkana jedhuu fi hin hubanne kana nan dhagaʼe:
6 “Baʼaa isaa gateettii isaa irraa nan fuudhe;+Harki isaas guuboo baachuu irraa bilisa taʼee ture.
7 Yeroo dhiphinaa keetti na waammatte, anis sin oolche;+Duumessa kakawweedhaan guutame keessaa* deebii siif nan kenne.+
Bishaanota Mariibaa* biratti sin qore.+ (Seelaa)
8 Yaa saba koo, na dhagaʼi, ani si irratti ragaa nan baʼa.
Yaa Israaʼel, utuu na dhageesseetta taʼee silaa gaarii ture.+
9 Si gidduu waaqni keessummaa taʼe hin jiraatu,Atis waaqa ormaatiif hin sagaddu.+
10 Ani Yihowaan Waaqa keeIsa biyya Gibxii keessaa si baase dha.+
Afaan kee balʼisii banadhu, anis isa nan guuta.+
11 Sabni koo garuu sagalee koo hin dhageenye;Israaʼel naaf hin ajajamne.+
12 Kanaafuu, garaa isaanii isa didaa duukaa akka buʼan isaan nan dhiise;Wanta sirrii akka taʼe yaadanis ni raawwatan.*+
13 Maal taʼa sabni koo utuu na dhagaʼeera taʼee,+Israaʼel daandiiwwan koo irra utuu deemeera taʼee!+
14 Silaa ani dafee diinonni isaanii akka isaaniif bitaman nan godha,Harka koos hamajaajii isaanii irratti nan kaasan ture.+
15 Warri Yihowaa jibban isa duratti ni hollatu,Wanti dhuma irratti isaanitti dhufus* bara baraaf itti fufa.
16 Inni garuu qamadii hunda caalaa baʼeessa taʼe* si* soora,+Damma kattaa keessaa argamuunis si quubsa.”+
Miiljaleewwan
^ Ibsa Jechootaa ilaali.
^ Ykn., “qooqa.”
^ “Wal Loluu” jechuu dha.
^ Kal., “Iddoo dhokannaa kakawwee keessatti.”
^ Kal., “Gorsa isaaniitiin ni deeman.”
^ Kal., “Yeroon isaaniis.”
^ Kal., “cooma qamadii.”
^ Kal., “isa,” jechuunis, saba Waaqayyoo.
