DAMMAQINAAN EEGAA!
Waraanni Yoom Dhaabbata?—Kitaabni Qulqulluun Maal Jedha?
Barreessaa ol aanaa Dhaabbata Mootummoota Gamtoomanii kan taʼan Antooniyoo Guutareez, haleellaa Iraan Sanbadduraa, Ebla 13, 2024 Israaʼelirratti kallattiidhaan bante ilaalchisee, “Amma yeroo haalli kun akka qabbanaaʼu itti goonuu fi balaasaa itti hirʼisnudha. Ammaa yeroo itti of toʼannudha” jedhaniiru.
Waraanni Baha Giddu Galaatti godhamaa jiru rakkoowwan addunyaa maratti uumamaa jiran keessaa tokko qofadha.
“Walitti buʼiinsi yeroo ammaatti addunyaa maratti uumamaa jiru waraana addunyaa lammaffaa booda isa guddaadha. Namoonni biliyoona 2, jechuunis ilmaan namootaa keessaa kurmaana kan taʼan sababa kanaan miidhamaniiru.”—Mana Maree Nageenyaa Mootummoota Gamtoomanii, Amajjii 26, 2023.
Israaʼel, Gaazaa, Sooriyaa, Azarbaajaan, Yuukreen, Sudaan, Itoophiyaa, Niijar, Miyaanmaarii fi Heetii keessatti walitti buʼiinsi cimaan uumameera. a
Waraanni yoom dhaabbata? Bulchitoonni addunyaa, nagaa fiduu ni dandaʼuu? Kitaabni Qulqulluun maal jedha?
Addunyaa waraanaan unkuramaa jirtu
Waraanni yeroo ammaatti addunyaa maratti geggeeffamaa jiru dhiheenyatti waraanni hundi akka badu argisiisa. Waraanni kun raajiin Kitaabni Qulqulluun yeroo keessa jiraannu ilaalchisee dubbatu raawwiisaa akka argatu gochaa jira. Kitaabni Qulqulluun yeroo keessa jiraannu, “dhuma sirna kanaa” jedhee waama.—Maatewos 24:3.
“Waraanaa fi oduu waraanaa ni dhageessu. . . . Sabni saba irratti, mootummaanis mootummaa irratti ni kaʼa.”—Maatewos 24:6, 7.
Waraanni yeroo ammaatti geggeeffamaa jiru raajiin Kitaaba Qulqulluu raawwiisaa akka argatu kan godhu akkamitti akka taʼe beekuuf mata duree, “Mallattoon ‘Guyyoota’ ykn ‘Bara Dhumaa’ Maalidha?” jedhu dubbisi.
Waraana waraana hunda balleessu
Kitaabni Qulqulluun walitti buʼiinsi ilmaan namootaa gidduutti uumamu akka dhaabbatu raajii dubbata. Kun kan taʼu akkamitti? Carraaqqii namootaatiin utuu hin taʼin, “waraana isa guyyaa guddaa Waaqa Hundumaa Dandaʼuu” kan taʼe waraana Armaagedooniin. (Mulʼata 16:14, 16) Waraanni kun waadaan Waaqayyo ilmaan namootaa nagaa barabaraa akka argatan gochuuf gale akka raawwatamu karaa bana.—Faarfannaa 37:10, 11, 29.
Waaʼee waraana Waaqayyoo isa waraana hunda balleessuu caalaatti beekuuf mata duree “Waraanni Armaagedoon Maali Dha?” jedhu dubbisi.
a ACLED Baafata Walitti Buʼiinsaa, “Walitti buʼiinsawwan addunyaa maraa sadarkaadhaan,” Amajjii 2024
Kanneen Armaan Gadiis ni Jaallatta Taʼa
ESSENTIAL BIBLE TEACHINGS
Waaqayyo Rakkinni Akka Jiraatu kan Heyyame Maaliifi?
Namoonni baayʼeen, addunyaan kun jibbaa fi rakkinaan kan guutamte maaliif akka taʼe gaafatu. Kitaabni Qulqulluun garuu deebii quubsaa fi nama jajjabeessuu kenna.
DAMMAQINAAN EEGAA!
Armaagedoon Israaʼelitti Jalqabaa?—Kitaabni Qulqulluun Maal Jedha?
Wanta Armaagedoon ilaalchisee Kitaaba Mulʼataa keessatti ibsamerraa deebiisaa ni argatta.
MATA DUREEWWAN DABALATAA
Abdii Amansiisaa Gara Fuulduraatti Raawwatamu
Abdii Kitaabni Qulqulluun kennu abdii ykn yaada namoonni kennan irraa adda kan taʼe maaliifi?
WAAʼEE KEENYA
Dhufnee Si Haasofsiisnuu?
Gaaffii Kitaaba Qulqulluu tokkorratti nu wajjin mari‵adhu ykn waa‵ee Dhugaa Baatota Yihowaa caalaatti baradhu.
