Хуцауи фӕндон цӕй медӕг ӕй?
Хуцауи фӕндуй, цӕмӕй ӕностӕмӕ фӕрнӕй ӕма амондгунӕй зӕнхӕбӕл дзенети цӕрӕн!
Ӕвӕдзи зӕгъис: «Уомӕн куд ес гӕнӕн?» Библи куд зӕгъуй, уомӕ гӕсгӕ уӕхӕн цард Хуцау искӕндзӕй ӕ Паддзахади фӕрци. Ӕма ӕ фӕндон уой медӕг ӕй, цӕмӕй, еци Паддзахадӕ ци ӕй ӕма адӕмӕн ци арфӕдзийнӕдтӕ ӕрхӕсдзӕй, уой туххӕй ӕгасӕйдӕр базононцӕ (Псалом 37:11, 29; Исай 9:7).
Хуцауи фӕндуй, цӕмӕй нин хуарз уа.
Ниййерӕги ӕ сувӕллонӕн хуарз куд фӕффӕндуй, уотӕ нӕ уӕларвон Фиди дӕр фӕндуй, цӕмӕй ӕностӕмӕ цийнӕфсес ӕма амондгун уӕн (Исай 48:17, 18). Хуцау нин зӕрдӕ ӕвӕруй, ӕ фӕндон ин ка ӕнхӕст кӕна, етӕ ӕностӕмӕ ке цӕрдзӕнцӕ (1 Иоанни 2:17).
Хуцауи фӕндуй, цӕмӕй раст надбӕл цӕуӕн.
Библи куд зӕгъуй, уомӕ гӕсгӕ нин не Сфӕлдесӕг «ӕ нӕдтӕ» амонуй, ӕма ’й фӕндуй, цӕмӕй сӕбӕл цӕуӕн (Исай 2:2, 3). Хуцау равзурста, «ӕ ном ин ка хӕсса, уӕхӕн адӕм», цӕмӕй ин ӕ фӕндон ӕгас дуйнебӕл дӕр игъосун кӕнонцӕ (Гъуддӕгтӕ 15:14).
Хуцауи фӕндуй, цӕмӕй ин еумӕ ковӕн.
Йеговӕ Хуцауӕн ка ковуй, етӕ хецӕн къуӕрттӕбӕл нӕ дехтӕ кӕнунцӕ, фал сӕ астӕу ес ӕцӕг уарзондзийнадӕ ӕма еудзийнадӕ (Иоанни 13:35). Хуцауӕн еумӕ лӕггадӕ кӕнӕн куд ес, уой туххӕй абони адӕмӕн ка дзоруй? Уой базондзӕнӕ аци брошюрӕй.
Ка ’й зонуй ма дӕ зӕрдӕмӕ фӕццӕуа
МАХ ТУХХӔЙ
Библи адӕни хӕццӕ куд фӕййахур кӕнӕн?
Ӕгас дуйней дӕр Йегови Ӕвдесӕнти зонунцӕ, адӕни хӕццӕ Библи лӕвар ке ахур кӕнунцӕ, уомӕй. Фӕууинӕ, куд фӕййахур кӕнунцӕ, уой.
МАХ ТУХХӔЙ
Библи ахур кӕнун цӕмӕн гъӕуй? (ӕгас)
Библий фӕрци милиуангай адӕм ӕгас зӕнхӕбӕл дӕр базонунцӕ дзуапп царди тӕккӕ ӕхсидзгӕдӕр фарстатӕбӕл. Дӕу дӕр фӕндуй?
