Nen 2000, impatupad na Taiwan so alternative civilian service program parad saramay agnaawat na konsiensia ra so military service pian nagawaan day obligasyon dad bansa diad paraan ya ag-onkontra ed konsiensia ra. Diad sayan programa, saramay agnaawat na konsiensia ra so military service et pinampili no manboluntaryo irad ospital, nursing home, o diad arum nin public sector. Balibali resulta na programa ta parehon minanabang iray taga Taiwan tan saramay agnaawat konsiensia ra so military service ta agla ra nipriso lapud inkaneutral da.

Ipaliwawa na sayan video 1) no panon ya impatupad na Taiwan so alternative civilian service, 2) no anto ray ebat ed saray maslak ya tepet na saray agmalabay ed sayan programa, tan 3) eksperiensya na saramay mismon akasali la. Oniay imbaga nen Mr. Kou-Enn Lin, ya director general na National Conscription Agency: “Komon ta aligen tan makaaral met so arum nin bansa ed sayan ginawa min programa.”