Introduksion ed Saray Libro na Biblia
Naamtaan ed sarayan antikey ya video iray importantin impormasyon ed kada libro na Biblia—no siopay angisulat, kapigan tan iner insulat, no anto ray nabasa ditan, tan arum ni. Bantayan iraya pian mas na-enjoy moy pambasam tan panaral moy Biblia.
Introduksion ed Genesis
Nabasa ed Genesis so importantin impormasyon nipaakar ed gapoan na too tan no panon ya ginmapo so kairapan tan patey.
Introduksion ed Exodo
Inliktar na Dios iray Israelita ya inaripen ed Ehipto tan ginawa to ran bansa ya mangirepresenta ed sikato.
Introduksion ed Levitico
Amtaen no panon ya deneskribe ed Levitico so nipaakar ed inkasanto na Dios tan no akin ya importantin magmaliw tayo met ya masanto.
Introduksion ed Numeros
Nengnengen no akin ya importante so itulok ed si Jehova tan say panrespeto ed saray tinuro ton mangidaulo ed saray totoo to.
Introduksion ed Deuteronomio
Nengnengen no panon ya napatnagan ed Ganggan ya inter nen Jehova ed Israel so aralem ya panangaro to ed saray totoo to.
Introduksion ed Josue
Amtaen no panon ya sinakop tan inapag-apag na saray Israelita so dalin ya inter na Dios ed sikara.
Introduksion ed Ukom
Sayan libro ya napno na maaksion iran salaysay et inngaran ed saray makpel tan matoor ya lalakin inusar na Dios pian iliktar so Israel ed saray mamapairap ed sikara.
Introduksion ed Ruth
Say libron Ruth et nipaakar ed masakripisyon panangaro na sakey ya ugaw nin balo ed abalo lan katulangan ton bii, tan no panon iran benendisyonan nen Jehova.
Introduksion ed 1 Samuel
Nengnengen so impanguman na situasyon na Israel nensaman manlapud panaon na saray Ukom ya anggad panaon na impanuley na saray arari.
Introduksion ed 2 Samuel
Amtaen no akin ya si David et sakey ed saray paborito tan kabkabat ya karakter na Biblia.
Introduksion ed 1 Arari
Subaybayan so agawad Israel manlapud magloria tan maaligwas ya impanuley nen Arin Solomon ya anggad magulogulon panaon na duaran panarian na Israel tan Juda.
Introduksion ed 2 Arari
Nengnengen no panon ya dineral na apostasya so amianen a panarian na Israel, balet benendisyonan nen Jehova iray pigaran nanlingkor ed sikato diad interon puso.
Introduksion ed 1 Awaran
Subaybayan so kapolian tan say eksayting ya bilay na matakot ed Dios ya si Arin David, manlapud inkitrono to bilang ari ya anggad impatey to.
Introduksion ed Esdras
Tinoor nen Jehova iray sipan to ya ibulos iray totoo to ed inkibantak dad Babilonia tan ipawil so dugan panagdayew diad Jerusalem.
Introduksion ed Nehemias
Dakdakel so naaralan ed libro na Nehemias na saray tuan mandadayew ed Dios natan.
Introduksion ed Ester
Saray agawa diad panaon nen Ester so mamabiskeg ed pananisiam ed pakayari nen Jehova a Dios ya iliktar so totoo to ed saray subok natan.
Introduksion ed Job
Amin ya mangaaro ed si Jehova et nasubok. Say istoryan nabasa tayod Job et ontulong ed sikatayon nawalaay kompiyansa ya napansiansia tayoy integridad tayo tan nasuportaan tayoy soberanya nen Jehova.
Introduksion ed Salmo
Saray Salmo et onsusuporta ed soberanya nen Jehova, ontutulong tan manliligliwa ed saramay mangaaro ed sikato, tan ipapanengneng na satan no panon ya manguman so mundo diad panamegley na Panarian to.
Introduksion ed Proverbio
Amtaen so panangigiya na Dios ed amin ya situasyon ed bilay mo—singa diad negosyo tan pamilya.
Introduksion ed Eclesiastes
Impaimano nen Arin Solomon iray bengatla ya talagan importante ed bilay tan inkompara to iratan ed saray bengatla ya kontra ed karunongan na Dios.
Introduksion ed Kansion nen Solomon
Say agmanganggan panangaro na biin Shulamita ed sakey ya pastol et tinukoy ya “say apoy nen Jah.” Akin?
Introduksion ed Isaias
Say Isaias et libro ya saray propesiya to et lanang ya ontutua kanian napabiskeg na satan so talek mod si Jehova, say Dios ya gagawaen toy amin ya impromisa to tan mangililigtas ed sikatayo.
Introduksion ed Jeremias
Sinumpal nen Jeremias so kimey to bilang propeta anggano mairap. Isip mo no antoy naaralan na saray Kristiano natan ed alimbawa to.
Introduksion ed Tagleey
Sayan libro et insulat nen propeta Jeremias, tan nabasa dia iray balikas na graben ermen lapud aderal so Jerusalem, tan nanengneng dia no panon ya kakasian na Dios iray magbabawi.
Introduksion ed Ezequiel
Mapaabeba tan makpel ya ginawa nen Ezequiel iray asainmin ton inter na Dios, anggano mairap iratan. Makaaral tayod alimbawa to.
Introduksion ed Daniel
Si Daniel tan saray kakaaro to et nansiansian matoor diad amin ya situasyon. Natan ya wala tayo lad panaon na anggaan, makaaral tayo ed alimbawa ra tan ed pakasusumpal na propesiya.
Introduksion ed Oseas
Makaaral tayod propesiya nen Oseas tungkol ed panangasi nen Jehova ed saray magbabawin nankasalanan tan say panagdayew ya labay to.
Introduksion ed Joel
Impropesiya nen Joel so tungkol ed onsasabin “agew nen Jehova” tan imbaga toy gawaen tayo pian makaligtas. Mas asingger la natan ya nasumpal so propesiya to.
Introduksion ed Amos
Inusar nen Jehova iyan mapaabeban laki parad importantin kimey. Anto ray balibalin naaralan tayod alimbawa nen Amos?
Introduksion ed Obadias
Saya so sankatikeyan ya libro ed Hebreon Kasulatan. Saray propesiya to et mangiiter na ilalo tan mangipapaseguro ya niyalangon so uley nen Jehova a Dios.
Introduksion ed Jonas
Inawat na propeta so panangipetek, sinumpal toy asainmin to, tan naaralan toy importantin leksion tungkol ed matoor a panangaro tan panangasi na Dios. Makapatenyeg na liknaan iray eksperiensya to.
Introduksion ed Miqueas
Sayan pinuyanan na Dios a propesiya et napabiskeg toy talek tayo ya say kekerewen nen Jehova ed sikatayo et makatunongan tan makagunggona.
Introduksion ed Nahum
Lapud propesiya nen Nahum, makapanmatalek tayo ya lanang ya sumpalen nen Jehova so salita to tan liligliwaen to so amin ya manaanap na kareenan tan panangiliktar diad uley na Panarian to.
Introduksion ed Habacuc
Makapanmatalek itayo ya naynay ya amta nen Jehova so sankaabigan ya panaon tan paraan pian iliktar iray totoo to.
Introduksion ed Sofonias
Akin et kaukolan tayoy manalwar ed kanonotan ya ag-onsabi so agew na panangukom nen Jehova?
Introduksion ed Aggeo
Ipapanengneng na propesiya ya importantin iyuna so panagdayew ed Dios imbes ya saray personal a pankaabigan.
Introduksion ed Zacarias
Dakel a pinuyanan ya pasingawey tan propesiya so amabiskeg ed saray totoo na Dios nensaman. Sarayan propesiya so mangipapaseguro ed sikatayo ya tulongan itayo met nen Jehova natan.
Introduksion ed Malaquias
Propesiya itan nipaakar ed agmanguuman iran prinsipyo, panangasi, tan panangaro na Dios. Makaaral tayo met ed satan na saray importantin leksion diad panaon tayo.
Introduksion ed Mateo
Maliket ya amtaen iray pigaran impormasyon nipaakar ed sayan libro na Biblia, say unona ed apatiran Ebanghelyo.
Introduksion ed Marcos
Nabasa ed Marcos, say sankatikeyan ed saray Ebanghelyo, so tungkol ed panuley nen Jesus bilang Ari diad Panarian na Dios.
Introduksion ed Lucas
Anton impormasyon ya walad Ebanghelyo nen Lucas so ditan labat nabasa?
Introduksion ed Juan
Ipapaimano na libro na Juan so panangaro nen Jesus ed totoo, say alimbawa tod inkamapaabeba, tan say pakabidbiran to bilang Mesias—say magmaliw ya Ari ed Panarian na Dios.
Introduksion ed Gawa na Saray Apostol
Nansagpot ya maong iray Kristiano nen inmunan siglo pian bangatan iray totoo ed amin a nasyon tan magmaliw iran disipulo. Natulongan ka na libro ed Biblia ya Gawa pian mas onseseg tan aktibo kad ministeryo.
Introduksion ed Roma
Pinuyanan a bilin nipaakar ed agpanaglabi nen Jehova tan kaimportantian na pangipatnag na pananisia ed si Jesu-Kristo.
Introduksion ed 1 Corinto
Kaibad sulat nen Pablo iray pinuyanan ya simbawa nipaakar ed pankakasakey, kalinisan ed moral, panangaro, tan pananisia ed kioli.
Introduksion ed 2 Corinto
Si Jehova, “say Dios na amin a ligliwa,” et papabiskegen tan tutulongan to ray lingkor to.
Introduksion ed Galacia
Say sulat nen apostol Pablo ed saray taga Galacia et onaplika ni natan a singa nensaman. Natulongan toy amin a tuan Kristiano ya mansiansian matoor.
Introduksion ed Efeso
Idadanet na sayan sulat a nanlapud Dios so gagala nen Jehova ya ompawil so kareenan tan pankakasakey panamegley nen Jesu-Kristo.
Introduksion ed Filipos
No mansiansia tayon matoor anggano nasusubok, napaseseg tayoy arum ya manmatoor met.
Introduksion ed Colosas
Napaliket tayoy Jehova no iyaplika tayoy nanaaralan tayo, no mabulos tayon perdonaen so sakey tan sakey, tan no bidbiren tayoy betang tan autoridad nen Jesus.
Introduksion ed 1 Tesalonica
Kaukolan tayoy mansiansian aliing ed espiritual, ‘seguroen tayoy amin a bengatla,’ ‘naynay tayon manpikasi,’ tan manpapasesegan tayo.
Introduksion ed 2 Tesalonica
Impetek nen Pablo so lingon kanonotan nipaakar ed isabi na agew nen Jehova, tan pinaseseg to ray agagi ya magmaliw a mapekder ed pananisia.
Introduksion ed 1 Timoteo
Insulat nen Pablo so 1 Timoteo pian ipaliwawa iray uksoyan na organisasyon diad kongregasyon tan ibilin ya paliisan iray palson bangat tan aro ed kuarta.
Introduksion ed 2 Timoteo
Pinaseseg nen Pablo si Timoteo ya sigpot ton sumpalen so ministeryo to.
Introduksion ed Tito
Diad sulat nen Pablo ed si Tito, abitla iray problema diad saray kongregasyon ed Creta, pati saray espiritual a kualipikasyon na magmaliw ya elder.
Introduksion ed Filemon
Anggano antikey labat iyan sulat, napno iya na leksion nipaakar ed inkamapaabeba, kaabigan, tan pamerdona.
Introduksion ed Hebreo
Say basiyan na saray Kristiano ed panagdayew da et mas ni nen say pisikal a templo tan panagbagat na ayayep.
Introduksion ed Santiago
Angusar si Santiago na saray epektibon ilustrasyon pian ibangat iray importantin prinsipyo ed bilay na saray Kristiano.
Introduksion ed 1 Pedro
Napaseseg itayo na unonan sulat nen Pedro ya mansiansian aktibo tan ipaawit ed Dios so amin a pampapagaan tayo.
Introduksion ed 2 Pedro
Napaseseg itayo na komaduan sulat nen Pedro ya mansiansian matoor legan tayon aalagaren so balon tawen tan balon dalin.
Introduksion ed 1 Juan
Papasakbayan itayo na sulat nen Juan ed saray antikristo tan no anto ray nepeg tan agtayo nepeg ya aroen.
Introduksion ed 2 Juan
Ipapanonot ed sikatayo na komaduan sulat nen Juan ya nepeg a mantultuloy itayon manakar ed liwawa tan manalwar ed saray managpalikdo.
Introduksion ed 3 Juan
Naaralan ed komatlon sulat nen Juan so balibalin leksion ed panagparawes ya nepeg ya ipanengneng na saray Kristiano.
Introduksion ed Judas
Impaamta to ray mauges ya kagagawa na saramay labay dan palikdoen tan dutakan so kongregasyon.
Introduksion ed Biblia
Nengneng mo no panon ya susuportaan na kada libro so interon tema na Biblia—no panon ya pasantoen na Panarian diad uley nen Kristo Jesus so ngaran nen Jehova.
