Salmo 118:1-29
118 Misalamat kayod si Jehova, ta sikatoy maomaong;+Say matoor a panangaro to et mansiansia ya anggad angga.
2 Ibaga komon natan na Israel:
“Say matoor a panangaro to et mansiansia ya anggad angga.”
3 Ibaga komon natan na saramay walad sankaabungan nen Aaron:
“Say matoor a panangaro to et mansiansia ya anggad angga.”
4 Ibaga komon natan na saramay ontatakot ed si Jehova:
“Say matoor a panangaro to et mansiansia ya anggad angga.”
5 Tinmawag ak ed si Jah* sanen nagogonigon ak;Inmebat si Jah tan inyakar to ak ed maligen a pasen.*+
6 Si Jehova et walad abay ko; agak ontakot.+
Antoy nagawaan na too ed siak?+
7 Si Jehova et walad abay ko bilang mananulong ko;*+Nanengneng koy pakatalo na saramay mamubusol ed siak.+
8 Mas maong so manpasalimbeng ed si JehovaNen say manmatalek ed totoo.+
9 Mas maong so manpasalimbeng ed si JehovaNen say manmatalek ed saray prinsipe.+
10 Pinaliberan ak na amin a nasyon,Balet diad ngaran nen JehovaEt naamper ko ra.+
11 Pinaliberan da ak, on, apaliberan ak ed amin a pasen,Ingen ta diad ngaran nen JehovaEt naamper ko ra.
12 Inambungalan da ak a singa ra bayaong,Balet naandi ran tampol a singa kapeles na inkaandi na apoy ed sabisabit.
Diad ngaran nen JehovaEt naamper ko ra.+
13 Intulak ak a maksil* pian natumba ak,Balet tinulongan ak nen Jehova.
14 Si Jah so panag-amotan ko tan say biskeg ko,Tan sikatoy nagmaliw a manangiliktar ko.+
15 Narerengel so tanol na panliliket tan kililiktar*Manlapud saray tolda na matunong.
Say kawanan a lima nen Jehova et manggagaway makapanyari iran bengatla.+
16 Say kawanan a lima nen Jehova et niyatagey;Say kawanan a lima nen Jehova et manggagaway makapanyari iran bengatla.+
17 Agak ompatey, noagta manbilay ak,Pian niyabawag ko ray gagawaen nen Jah.+
18 Si Jah et pinasyay impandisiplina tod siak,+Balet agto ak inyawat ed ipapatey.+
19 Ilukas yod siak iray puerta na inkatunong;+Ditan ak onloob tan idayew koy Jah.
20 Saya so puerta nen Jehova.
Dia onloob iray matunong.+
21 Idayew ta ka, ta inebatan mo ak+Tan sikay nagmaliw a manangiliktar ko.
22 Say bato ya impulisay na saray managpaalageyEt nagmaliw a manunan bato ed suyok.*+
23 Agawa iya lapud si Jehova;+Makapakelaw iya ed pakanengneng tayo.+
24 Saya so agew ya inggana nen Jehova;Panliketan tan panggayagaan tayo itan.
25 O Jehova, mikakasi kami, iliktar mo kami pa!
O Jehova, ikdan mo kami pa na pananalo!
26 Abendisyonan imay onsasabi diad ngaran nen Jehova;Bebendisyonan mi kayo manlapud abung nen Jehova.+
27 Si Jehova so Dios;Iikdan to tayoy liwawa.+
Mila kayo ed parada parad piesta, a mangawit kayo na sangasanga,+Ya anggad saray saklor na altar.+
28 Sika so Dios ko, tan idayew ta ka;Dios ko, itandoro ta ka.+
29 Misalamat kayod si Jehova,+ ta sikatoy maomaong;Say matoor a panangaro to et mansiansia ya anggad angga.+
Paimanod leksab
^ Say “Jah” et pinatikey a ngaran a Jehova.
^ Odino “ed maawang a pasen.”
^ Odino posiblin, “a kaiba na saramay ontutulong ed siak.”
^ Odino posiblin, “Intulak mo ak a maksil.”
^ Odino “pananalo.”
^ Literal, “ya ulo na suyok.”
