Salmo 15:1-5
Kansion nen David.
15 O Jehova, siopay nayarin magmaliw a sangkailim ed toldam?
Siopay nayarin manayam ed masanton palandey mo?+
2 Samay manaakar ya andiay pakabalawan,*+Manggagawa na duga+Tan mansasalita na katuaan manlapud puso to.+
3 Agto uusarey dila to pian deralan so arum,+Agmanggagaway mauges ed kapara ton too,+Tan agto dederalan* so kakaaro to.+
4 Ipupulisay toy siopaman a karimdimla,+Balet papagalangan to iramay ontatakot ed si Jehova.
Agto bebenegan so sipan* to, anggano pakairapan to itan.+
5 Agto ipapautang a walay tubo so kuarta to,+Tan agmangaawat na pasuksok sumpad andiay kasalanan.+
Siopaman a manggagawa ed sarayan bengatla et agbalot nagalaw.*+
Paimanod leksab
^ Odino “walaan na integridad.”
^ Odino “iiyan ed kababaingan.”
^ Literal, “sinambaan.”
^ Odino “agbalot natugingging (natentenyeg).”
