Salmo 37:1-40
-
Saramay manmamatalek ed si Jehova et onaligwas
Salmo nen David.
א [Aleph]
37 Agka onsyosyodot lapud saray mauges a totooTan agmo iibegan iramay manggagaway makapuy.+
2 Singa ra dika a magangganon namagaan+Tan singa ra balon tubon dika a mainomay a nalenes.
ב [Beth]
3 Manmatalek kad si Jehova tan manggawa kay maong;+Manayam kad dalin, tan kiwas ka a matoor.+
4 Manliket kan maong ed si Jehova,Tan iter tod sika iray pirawat na pusom.
ג [Gimel]
5 Ipiam ed si Jehova so dalan mo;+Manmatalek kad sikato, tan sikatoy onkiwas parad sika.+
6 Say inkatunong mo et pasindagen to a singa liwawad kabuasan,Tan say inkahustisyam a singa agew no ugto.
ד [Daleth]
7 Mandeen ka labat ed arapan nen JehovaTan mananos kan manalagar ed sikato.+Agka onsyosyodot ed samay tooA nagagawaan to ray pakana to.+
ה [He]
8 Tundaan moy manpasnok tan paliisan moy onsanok;+Agka onsyosyodot tan onggapon manggaway kaugsan.*
9 Ta saray mauges a totoo et naandi,+Balet saramay maniilalo ed si Jehova et tawiren day dalin.+
ו [Waw]
10 Agmanbayag et anggapo lay mauges;+Nengnengen moy kawalaan da,Et anggapo la ra.+
11 Balet saray mauyamo et tawiren day dalin,+Tan manliket iran maong ed agnaparaan a kareenan.+
ז [Zayin]
12 Say mauges a too et manplaplano sumpad matunong;+Ingangayet to ray ngipen to ed sikato.
13 Balet sikatoy elekan nen Jehova,Ta amta To a sikatoy mangangga.+
ח [Heth]
14 Saray mauges et uuyosen da ray espada ra tan pipinaten da ray pana raPian itumba da imay nalalames tan mairap-bilay,Pian pateyen da iramay maptek so dalan da.
15 Balet say mismon puso ra so naduyok na espada ra;+Naputer iray pana ra.
ט [Teth]
16 Magmaong ni daiset a walad matunongNen say daakan a walad dakel a mauges.+
17 Ta saray taklay na mauges et naputer,Balet tulongan nen Jehova so matunong.
י [Yod]
18 Amta nen Jehova so dadalanen na saray andiay pakabalawan,*Tan say tawir da et mansiansia ya anggad angga.+
19 Ag-ira niiyan ed kababaingan diad panaon na desyang;Nawalaan iray daakan diad panaon na eras.
כ [Kaph]
20 Balet saray mauges et naderal;+Saray kabusol nen Jehova et naandi a singa saray balibalin panagpastolan;Naandi ran singa asewek.
ל [Lamed]
21 Say mauges et onuutang tan agmanbabayar,Balet say matunong et mabunlok* tan maiter.+
22 Saramay benendisyonan na Dios et tawiren day dalin,Balet saramay insamba To et naandi.+
מ [Mem]
23 Igigiya* nen Jehova iray kupbang na sakey a too+Sano panliliketan To so dalan to.+
24 Anggan sikatoy natumba et agnipasubsob,+Ta sikatoy susuportaan nen Jehova diad lima.*+
נ [Nun]
25 Nensaman et ugaw ak ni tan natan et matatken ak la,Balet anggapo ni anengneng kon matunong ya apaulyan,+Odino saray ananak to a mipapayabol na naakan.+
26 Sikatoy naynay a manpapautang a mabulbulos,+Tan saray ananak to et mangawat na bendisyon.
ס [Samekh]
27 Ipulisay moy kaugsan tan manggawa kay kamaongan,+Et manayam kad dalin diad andi-anggaan.
28 Ta aaroen nen Jehova so hustisya,Tan agto paulyanan iray matoor ed sikato.+
ע [Ayin]
Nasalimbengan ira lawas;+Balet say kailalakan na saray mauges et naandi.+
29 Saray matunong et tawiren day dalin,+Tan manbilay ira ditan diad andi-anggaan.+
פ [Pe]
30 Say sangi na matunong et manginanabang na karunongan,*Tan say itotongtong na dila to et hustisya.+
31 Say ganggan na Dios to et walad puso to;+Ag-onkapuy iray sali to.+
צ [Tsade]
32 Babantayan na mauges so matunong,A manaanap na pankanawnawan napatey to.
33 Balet say matunong et agpaulyanan nen Jehova ed lima na mauges+Tan agto ipasen a nankasalanan sano sikatoy uukomen.+
ק [Qoph]
34 Manilalo kad si Jehova tan tumbok moy dalan to,Tan itandoro to ka tan tawiren moy dalin.
Sano naderal so mauges,+ nanengneng mo itan.+
ר [Resh]
35 Anengneng koy toon maruksa tan maugesYa ombubulaslas a singa masalompapak a kiew diad dalin ya akataneman to.+
36 Balet sikatoy biglan naandi tan anggapo la;+Inanap-anap ko, tan agla naromog.+
ש [Shin]
37 Imanom pa so toon andiay pakabalawan,*Tan agmo aalisan na mata so maptek,+Ta say pansumpalan na satan a too et kareenan.+
38 Balet amin a makasalanan et naderal;Say pansumpalan na mauges a totoo et kadederal.+
ת [Taw]
39 Si Jehova so mangililiktar ed matunong;+Sikato so panag-amotan da diad panaon na gonigon.+
40 Sikaray tulongan nen Jehova tan iliktar to ra.+
Iliktar to ra ed mauges tan isalba to ra,Lapud pasasalimbengan irad sikato.+
Paimanod leksab
^ Odino posiblin, “Agka onsyosyodot, ta pakasakitan mo labat itan.”
^ Literal, “iray agew na samay andiay pakabalawan.”
^ Odino “mangipapatnag na kaabigan.”
^ Odino “Pasesekderen.”
^ Odino “diad panamegley na lima To.”
^ Odino “mangibabalikas na karunongan diad makalnan boses.”
^ Odino “toon pansiasiansiaen toy integridad to.”
