Salmo 91:1-16
91 Siopaman a manaayam ed maamot a pasen na Sankatagyan+Et mansiansia ed silong na anino na Makapanyarin-amin.+
2 Ibagak ed si Jehova: “Sikay pansasalimbengan ko tan say panag-amotan ko,+Say Dios ko a panmamatalkan ko.”+
3 Ta iliktar to ka ed patit na samay manag-erel na manok,Ed makaderal a salot.
4 Sakbongan to ka* na saray payak to,Tan diad silong na saratan et pasalimbengan ka.+
Say katooran to+ et magmaliw a baleg a panagsamper+ tan sakey a padir a manprotekta.*
5 Agka ontakot ed saray makapakebbiew a nagagawa no labi,+Odino diad pana ya ikekena no agew,+
6 Odino diad salot a mamibiktima no ambilunget,Odino diad kadederal ya onaataki no kaagwan.
7 Sanlibo so nabaktar ed dikingan moTan samplon libo ed nikawanan mo,Balet anggapoy mauges a nagawad sika.+
8 Onnengneng ka labatLegan mon iimatonan so panudusa* ed mauges.
9 Lapud imbagam: “Si Jehova so pansasalimbengan ko,”
Ginawam ya ayaman* mo so Sankatagyan;+
10 Anggapoy onsabid sika a desyang,+Tan anggapoy salot a makaasingger ed toldam.
11 Ta iganggan to ray anghel to,+Pian bantayan da ka diad amin a dalan mo.+
12 Awiten da ka ed saray lima ra,+Pian ag-onkenad bato so salim.+
13 Gatinan mo so mabiskeg a leon tan say kobra;Gatin-gatinan mo so masebeg a leon tan say baleg ya uleg.+
14 Inkuan na Dios: “Sikatoy iliktar ko lapud inaro to ak.*+
Sikatoy salimbengan ko lapud kabat* toy ngaran ko.+
15 Sikatoy ontawag ed siak, tan ebatan ko.+
Mansiansia ak ed abay to diad panaoy gonigon.+
Iliktar ko tan pagalangan ko.
16 Sikatoy tumangan ko na andukey a bilay,+Tan ipanengneng kod sikato iray panangiliktar ko.”+
Paimanod leksab
^ Odino “Amperen to ray onasingger ed sika diad panamegley.”
^ Odino “sakey a padir a pandepensa.”
^ Literal, “panangibales.”
^ Odino posiblin, “panag-amotan; panagsalimbengan.”
^ Literal, “inkasakey toy sarili tod siak.”
^ Odino “bibidbiren.”
