Oktubre 7-13
SALMO 92-95
Kansion 84 tan Pikakasi | Introduksion (1 min.)
1. Sankaabigan Lay Panlingkor ed si Jehova!
(10 min.)
Si Jehova labat so nepeg tayon dayewen (Sal 92:1, 4; w18.04 26 ¶5)
Tutulongan to ray totoo to ya makagaway dugan desisyon pian magmaliw iran maliket (Sal 92:5; w18.11 20 ¶8)
Inar-aro nen Jehova iramay manlilingkor ed sikato anggano matatken la ra (Sal 92:12-15; w20.01 19 ¶18)
TEPETAY SARILIM, ‘Akin et agko ni idedikay sarilik ed si Jehova tan manpabautismo?’
2. Saray Espiritual a Kayamanan
(10 min.)
-
Sal 92:5—Antoy ibabaga na sayan teksto tungkol ed karunongan nen Jehova? (cl 211 ¶18)
-
Anto ran espiritual a kayamanan so labay yon inabang manlapud babasaen ed Biblia ed sayan simba?
3. Panagbasa na Biblia
(4 min.) Sal 94:1-23 (th leksion 5)
4. Pangigapo na Tongtongan
(4 min.) INFORMAL WITNESSING. Manggawa kay paraan pian nibagam ed katongtong mo no antoy gagawaen mo no mangiyaaral ka na Biblia. (lmd leksion 5 punto 3)
5. Panagpawil
(3 min.) INFORMAL WITNESSING. Iyopresi so panangiyaral na Biblia ed sakey ya datin ag-angawat. (lmd leksion 8 punto 4)
6. Panaggaway Disipulo
(5 min.) Katongtongen so iyaaralan mo ya ag-onaaligwas. (lmd leksion 12 punto 5)
Kansion 5
7. Nanaaburido Met Iray Kabataan
(15 min.) Pantongtongan kaiba iray ondedengel.
Agto labay ya ibaga ya lapud manlilingkor tayo la ed si Jehova et agtayo lan balot naaburido. Singa bilang, aminpiga-pigan naeksperiensya itan nen David, tan nalilikna met itan na dakel ed sikatayo natan. (Sal 13:2; 139:23) Makapaermen balet ta anggan saray kabataan et nanaaburido met. No maminsan lapud pakakaaburido dan maong, mairap dan gawaen anggan saray normal lan gagawaen da, singa say iyakar ed eskuelaan tan iyatendi ed saray aral. Tan lapud sobran panaaburido da, nayarin man-panic ira tan ompan naisip da ni ingen so manbikkel.
Sikayo ran kabataan, no nanaaburido kayon maong, manpatulong kayo ed atateng yo odino ed sakey ya maespiritual ya agi. Tan agyo met lilingwanan so manpatulong ed si Jehova. (Fil 4:6) Seguradon tulongan to kayo. (Sal 94:17-19; Isa 41:10) Pantongtongan tayoy alimbawa nen Steing.
I-play so VIDEO ya Inaro Ak nen Jehova, insan itepet iraya:
• Anton teksto ed Biblia so akatulong ed si Steing, tan akin?
• Panon ya impalikna nen Jehova so panangaro to ed si Steing?
Atateng, sarag yon tulongan iray ananak yo no nanaaburido ira. Singa bilang, maanos yo ran dengelen, ipalikna yon inar-aro yo ra, tan tulongan yo ran nakombinse ya inar-aro ira nen Jehova. (Tit 2:4; San 1:19) Mantiwala kayod si Jehova ya iter toy kaukolan yon tulong tan biskeg pian naasikaso yo ray ananak yo.
Ompan agtayo amta ya walay kakongregasyon tayon ondadalan ed graben panaaburido odino agtayo natatalosan so talagan nalilikna to. Pero makatulong tayo nin siansia no ipalikna tayo ed amin ya agagi ed kongregasyon ya inar-aro tayo ra.—Pro 12:25; Heb 10:24.
8. Panag-aral na Kongregasyon ed Biblia
(30 min.) bt kap. 16 ¶6-9, kahon ed p. 132
