Relasyon ed Dios
Abitla ed unonan artikulo ya ipapasen na dakel a totoo ya sagradon libro so Biblia. Apaneknekan da ya no basaen tan unoren da iray bilin na Biblia, onaasingger so liknaan da ed Dios tan natatalosan day rason no akin ya manbibilay tayo.
Diad Biblia et uusaren so salitan “espiritualidad” pian tukoyen so ugali odino kabibilay na sakey. (Judas 18, 19) Aliwan singa saray makalaman ya totoo ya sarili da labat so iisipen da, saray maespiritual ya totoo odino walaan na relasyon ed Dios et importante ed sikara iray estandarte na Dios.—Efeso 5:1.
ILALO
PRINSIPYO NA BIBLIA: “No onkapuy so liknaan mo diad agew na kairapan, say biskeg mo et onkulang.”—Proverbio 24:10.
NO ANTOY LABAY YA IBAGA NA SATAN: No nadidismaya tayo, naupot so biskeg ya kaukolan tayo pian nasarag iray problema. Balet say ilalo so mangiter ed sikatayo na biskeg pian ag-onsuko. Atan met so ontulong ed sikatayon natalosan ya saray problema tayo et temporaryo labat; tan ompan wala ni ingen so nitulong na saratan.
NO ANTOY NAYARIN GAWAEN MO: Isip mo iray balibalin nagawa ed arapen. Imbes ya aburido ka ed no antoy nayarin nagawa odino manalagar ka nin ombalibali so situasyon, igapom la ya gawaen iray planom ed bilay. Tua ya wala ray “ag-iilaloan a nagawa.” (Eclesiastes 9:11) Balet kaslakan, saray resulta et mas maabig nen saray iisipen tayo. Kanian inusar na Biblia iyan ilustrasyon: “Diad kabuasan et mangisibwag kay binim tan agmo pampapainawaen so limam anggad labi; ta agmo amta no dinan so ontubo, balanglan saya odino samay sakey, odino kasin pareho iran onaligwas.”—Eclesiastes 11:6.
EBAT ED SARAY IMPORTANTIN TEPET
PRINSIPYO NA BIBLIA: “Ikdan mo ak pay pakatalos . . . [Say] salitam et katuaan.”—Salmo 119:144, 160.
NO ANTOY LABAY YA IBAGA NA SATAN: Walay ebat na Biblia ed saray tepet na amin lawarin totoo. Singa bilang, eebatan na Biblia irayan tepet:
-
Iner so nanlapuan tayo?
-
Akin et wadia tayo?
-
Antoy nagawa no ompatey so too?
-
Onia labat kasi so bilay?
Dinmakep so bilay na minilyon ya totoo ed interon mundo nen inaral day ebat na Biblia ed saratan ya tepet tan arum ni.
NO ANTOY NAYARIN GAWAEN MO: Aral mon mismo so ibabangat na Biblia. Mantepet kad Saray Tasi nen Jehova pian natulongan da kan natalosan so Biblia. Nengnengen so website mi ya jw.org, odino atendi ka ed saray aral mi, ya libre tan nayarin onla so amin.
ARUM NI RAN PRINSIPYO NA BIBLIA
Bantayan so video ya Akin ya Aralen so Biblia? diad jw.org. Available itan ed masulok ya 880 a lenguahe
AWAT MO YA KAUKOLAN MOY NAWALAAN NA RELASYON ED DIOS.
“Maliket iray manonot ed espiritual a pankaukolan da.”—MATEO 5:3.
KABATEN MO NIN MAONG SO DIOS YA IBABAGA NA BIBLIA.
‘Anapen so Dios ta sikatoy naromog mo. Sikatoy ag-arawi ed balang sakey ed sikatayo.’—GAWA 17:27.
BASAEN TAN ISIP MON MAONG SO MENSAHE NA BIBLIA.
“Say panliliketan to et say ganggan nen Jehova, * tan dadalepdepen toy ganggan To diad agew tan labi. . . . Amin a gawaen to et onaligwas.”—SALMO 1:2, 3, paimanod leksab.
^ par. 23 Jehova so ngaran na Dios ya nabasad Biblia.
Ompan Nagustoan Mo Met
SAY PANAG-BANTAYAN
Panon ya Makatulong so Biblia ed Bilay Ko?
Karga na sayan karaanan lan libro so dakel ya bilin.
