Binasam ta iray agano nin isyu na Say Panag-bantayan? Salim pa sirin ya ebatan irayan tepet:

Anton klase na kasalanan so tutukoyen nen Jesus ed simbawan nabasa ed Mateo 18:15-17?

Say tutukoyen to et saray kasalanan ya nayarin resolbien na saray nalalanor. Balet sakey met itan ya seryoson kasalanan ya kaukolan so pandispelo no agnaresolbe. Singa bilang, satan a kasalanan et nayarin panagpauges odino panagsaol.—w16.05, p. 7.

Antoy gawaen mo pian minabang kan maong ed panagbasam na Biblia?

Sarag mon gawaen iraya: Kaukolan ya lukas so nonot no manbasa, tebeken iray leksion ya labay mon iyaplika; tepetan moy sarilim ‘Panon kon usaren iya pian tulongan so arum?’ tan usaren iray reperensya pian i-research so abasam.—w16.05, p. 24-26.

Kasin makapuy no manermen so sakey a Kristiano anggano panisiaan toy kioli?

Anggano panisiaan na sakey a Kristiano so kikioli, siansia nin manermen ed impatey na inad-aro to. Nanermenan nen Abraham so impatey nen Sara. (Gen. 23:2) Diad ilabas na panaon, nabawasan so naliliknan ermen.—wp16.3, p. 4.

Siopa so isisimbolo na samay laki a walad awak to so saklor a panagkargaay tinta na sekretaryo tan say anemiran lalaki a walay awit dan armas a panagmekmek diad pasingawey ed Ezequiel kapitulo 9?

Isisimbolo da so armada ed tawen ya kaiban nanderal ed Jerusalem tan kaiba met ya manderal ed mauges ya mundo nen Satanas diad Armagedon. Bilang kasumpalan diad panaon tayo, samay lakin walad awak to so saklor a panagkargaay tinta na sekretaryo et irerepresenta toy Jesu-Kristo, say agnanengneng a manmarka ed saray makaliktar.—w16.06, p. 16-17.

Anto ran situasyon so aliktaran na Biblia?

Aliktaran toy (1) pakabulok na midederal ya angisulatan, singa say papiro tan pergamino; (2) ikokontra na dakel ya politiko tan lider na relihyon ya malabay a maneral ed satan; tan (3) panasali na arum ya umanen so mensahe na satan.—wp16.4, p. 4-7.

Panon mon napasimpli so bilay mo bilang sakey a Kristiano?

Amtaen iray talagan nakaukolan mo, tan iwasan so pansaliw na saray agmo kaukolan. Mangiparaan na badyet a sarag mo. Ekalen iray gamit ya agmo la uusaren, tan bayaran mo lan amin so utang mo. Bawasay oras mod trabaho, tan iplanom no panon mon napalaknab so ministeryom.—w16.07, p. 10.

Antoy ibabaga na Biblia ya mas importante nen say gold odino silver?

Nabasa ed Job 28:12, 15 ya say karunongan na Dios et mas mabli nen say gold o silver. Legan mon aanapen itan, gawam so anggaay nayarian mon mansiansian mapaabeba tan mabiskeg ed pananisia.—w16.08, p. 18-19.

Nayari kasi ed sakey a brother so manparukey na balbas?

Diad arum ya kultura, ayos labat ed sikara so balbas basta akatlian tan agmet makalay atension na saray pupulongan. Balet, wala met iray brother ya nandesisyon ya ahiten so balbas da. (1 Cor. 8:9) Diad arum a kultura, ipapasen ya ag-itan manepeg ed saray Kristianon ministro.—w16.09, p. 21.

Akin et tua so ibabaga na Biblia nipaakar ed si David tan Goliat?

Si Goliat et mas atagey labat na 6 inches nen samay sankaatageyan ya too natan. Talagan nambilay si David ta papaneknekan itan na saray karaanan ya rekord ya pakabasaay abung nen David tan na imbaga nen Jesus. Saray akotkot ya rekord et onsuporta ed saray kabkabat ya detalye.—wp16.5, p. 13.

Antoy pandumaan na kakabatan, pakatalos, tan karunongan?

Say toon walaay kakabatan et dakel so amta ton impormasyon o detalye. Say sakey ya walaay pakatalos et nanenengneng toy pankokonektaan na nanduruman detalye. Say toon walaay karunongan et uusaren toy kakabatan tan pakatalos to, tan iyaaplika tod makana o praktikal a paraan.—w16.10, p. 18.