Ebat ed Saray Tepet ed Biblia
Iner so nanlapuan na Diablo?
Agpinalsa na Dios so Diablo. Say pinalsa na Dios et say anghel a diad saginonor et nagmaliw ya Diablo, a tinawag met ya Satanas. Natalosan ed imbaga nen Jesus a dati, say Diablo et matua tan anggapoy kasalanan to. Kanian nensaman, say Diablo et matunong ya anghel ya anak na Dios.—Basaen so Juan 8:44.
Panon a say anghel et magmaliw a Diablo?
Pinili na anghel ya nagmaliw a Diablo so onsumpad Dios tan sinugsogan toy inmunan sanasawa ya kampian da. Kanian ginawa toy sarili to ya Diablo, a say labay ton ibaga et “Managpauges,” tan Satanas, a say labay ton ibaga et “Sumusumpa.”—Basaen so Genesis 3:1-5; Apocalipsis 12:9.
Singa saray arum nin matalinon pinalsa na Dios, say anghel ya nagmaliw a Diablo et bulos a makapandesisyon no say pilien ton gawaen et maong odino mauges, balet ta pinilalek ton sikatoy dayewen. Mas mabiskeg itan a liknaan to nen say pilalek ton paliketen so Dios.—Basaen so Mateo 4:8, 9; Santiago 1:13, 14.
Panon ya itutultuloy na Diablo ya impluensyaan iray totoo? Nepeg mo kasin takotan? Naromog yoy ebat ed sarayan tepet diad Biblia.