Si bo kier biaha bay un caminda cu nunca bo no a bay prome, kico lo bo haci?

1. 1. Bay den e direccion cu bo ta pensa cu bo tin cu bay.

2. 2. Sigui otro hende y spera cu nan si sa con pa yega unda bo kier bay.

3. 3. Sigui un guia confiabel, manera un GPS, un mapa of un amigo confiabel cu sa con pa yega.

Si nos scoge opcion un of dos, nos lo yega un caminda. Pero, kisas no ta unda nos kier a bay. Sinembargo, si nos scoge opcion tres, nos por tin sigur cu nos lo yega nos destinacion.

Nos bida ta manera un biahe, y nos ta spera cu lo e hiba nos na un futuro feliz. Sea cu nos ta yega na nos destinacion of no ta depende riba e guia cu nos ta scoge ora di tuma decision.

Mayoria di decision cu nos ta tuma den bida ta decisionnan chikito, pero algun decision ta masha importante. E decisionnan importante ey ta mustra kico nos ta pensa ta bon y malo. Ademas, nan por tin influencia riba nos y nos sernan keri pa hopi tempo, sea pa bon of pa malo. E decisionnan importante ey tin di haber cu:

• Sex y matrimonio

• Honestidad, trabou y placa

• Con pa lanta yiu

• Con pa trata otro hende

Con bo por tin sigur cu e decisionnan cu bo tuma relaciona cu e cosnan aki lo hiba na un futuro feliz pa bo y bo famia?

E pregunta cu cada un di nos mester haci nos mes ta: Kico por yuda nos dicidi loke ta bon y loke ta malo?

E revista aki lo splica dicon Bijbel ta un bon guia pa yuda nos dicidi loke ta bon y loke ta malo.