Rembaknan Cu No Por Tene Awa

DEN tempo biblico, hende tawata coba algun pos principalmente pa funciona como rembak. Durante cierto epoca, den e Tera Priminti, nan tawata e unico manera pa hende por tin un suministro di awa cu ta asina vital pa bida.

Ora profeta Yeremias tawata skirbiendo un declaracion formal di Dios, el a referi na rembak den e sentido figurativo. El a bisa: “Mi pueblo a comete dos echo di maldad: Nan a bandona mi, e fuente di awa bibo, pa traha rembak pa nan mes, rembak kibra cu no por tene awa.”—Yeremias 2:13.

E Israelitanan a bandona nan Dios, Yehova—“e fuente di awa bibo”—anto a sera pactonan militar inconfiabel cu nacionnan pagano y a adora diosnan falso y impotente. Na harmonia cu Yeremias su comparacion, tal luganan di refugio den kende nan a kere, a resulta manera rembaknan kibra cu ta sipa awa y cu no tawatin poder pa proteha of salba.—Deuteronomio 28:20.

Nos por siña un les for di e ehempel historico aki? Manera tawata e caso den e dia di Yeremias, Yehova e Dios eterno ta sigui ta e unico Fuente di awa cu ta duna bida. (Salmo 36:9; Revelacion 4:11) Solamente for di dje, mediante su Yiu, Hesucristo, hende por haya bida eterno. (Huan 4:14; 17:3) Si, manera Yeremias su contemporaneonan, masha hopi hende awe a scohe pa rechasa y asta suak e palabra di Dios cu tin den Bijbel. En bes di esei, nan ta pone nan confiansa den solucionnan politicamente cumbiniente, rasonamento humano bashi y ideologia- y filosofianan inutil cu ta deshonra Dios. (1 Corintionan 3:18-20; Colosensenan 2:8) Pues e asunto ta masha cla. Den cua di nan abo lo pone bo confiansa? Den “e fuente di awa bibo”, esta Yehova, of den “rembak kibra cu no por tene awa”?

[Plachi na pagina 32]

Imagen di terra-cotta di un diosa mama cu a ser haya den un graf Israelita

[Reconocemento]

Potret saca pa cortesia di British Museum