Dios ta un spirito invisibel. El a crea e cielonan, tera y tur loke ta hala rosea. Pero, ningun persona no a crea Dios—e no tabatin principio. (Salmo 90:2) Dios kier pa hende busc’e y haya sa e berdad tocante dje.—Lesa Echonan 17:24-27.

Dios tin un nomber y nos por haya sa algun di su cualidadnan ora nos observa e cosnan cu el a traha. (Romanonan 1:20) Pero pa nos por siña conoce Dios mihor, nos mester studia su Palabra. Si, Bijbel ta laga nos conoce Dios su bunita personalidad.—Lesa Salmo 103:7-10.

Jehova ta odia inhusticia, y el a crea hende cu e capacidad pa refleha su cualidadnan. (Deuteronomio 25:16) Ta pesey mayoria di nos ta odia inhusticia. Dios no ta responsabel pa e inhusticia cu nos ta mira rond di nos. El a duna hende e libertad di tuma nan mes decision. Pero lamentablemente, hopi hende ta haci mal uzo di nan libertad y ta comete actonan di inhusticia. Ta duel Jehova di mira hende haci esaki.—Lesa Genesis 6:5, 6; Deuteronomio 32:4, 5.

Como cu Jehova stima husticia, lo e no tolera inhusticia pa semper. (Salmo 37:28, 29) Bijbel ta priminti cu un djis aki Dios lo caba cu tur inhusticia.—Lesa 2 Pedro 3:7-9, 13.