Hopi di e asina yama iglesianan cristian ta siña hende cu Dios ta parti di un Trinidad. Sinembargo, wak kico Encyclopædia Britannica ta bisa: “Ni e palabra Trinidad ni e doctrina ta aparece den Testament Nobo ... E doctrina aki a desaroya gradualmente a traves di siglonan y hopi discusion.”

 En realidad, no tin ningun pasashi den Bijbel cu ta describi Dios como parti di un Trinidad. Tuma nota di e siguiente textonan di Bijbel:

 “SEÑOR ta nos Dios, SEÑOR ta un!”—Deuteronomio 6:4, Beibel Santu.

 “Abo, kende su nomber ta Jehova, abo so ta e Haltisimo riba henter Tera.”—Salmo 83:18.

 “Pa haya bida eterno, nan tin cu siña conoce bo, e unico Dios berdadero, y esun cu bo a manda, Hesucristo.”—Juan 17:3.

 “Dios ta ún so!”—Galationan 3:20, Beibel na papiamentu koriente.

 Dicon anto hopi religion cu ta yama nan mes cristian ta siña cu Dios ta parti di un Trinidad?