Salmo 43:1-5
43 O mi Dios, abo husga mi.Defendé mi kaso kontra un nashon infiel.
Libra mi di hende mentiroso i inhustu.
2 Abo ta mi Dios, mi fòrti.
Dikon bo a rechasá mi?
Dikon mi tin ku kana rònt tur tristu pa motibu ku mi enemigu ta oprimí mi?
3 Manda bo lus i bo bèrdat.
Laga nan dirigí mi.Laga nan hiba mi na bo seru santu i na bo lugá di biba.*
4 E ora ei, o mi Dios, lo mi bai na bo altar.Sí, mi ta bai serka abo, mi Dios, kende ta hasi mi masha felis.
O Dios, mi Dios, lo mi alabá bo ku arpa.
5 Dikon mi* ta asina desesperá?
Dikon mi ta intrankil?
Lo mi warda riba Dios,pasobra un dia lo mi bolbe alab’é komo mi Gran Salbador i mi Dios.
