“Dios lo . . . seka tur lágrima for di nan wowo, i lo no tin morto mas; ni tristesa ni sklamashon ni doló lo no tin mas.”​—Revelashon 21:3, 4, Tradukshon di Mundu Nobo.

Un garantia ku no ta Dios ta kousa nos problemanan.​—Santiago 1:13.

Un konsuelo ya ku nos sa ku Dios ta sinti pa nos ora nos ta sufri.​—Zakarías 2:8.

Un speransa ku tur sufrimentu lo kaba.​—Salmo 37:9-11.

Sí, i nos tin por lo ménos dos motibu pa esei:

• Dios ta odia sufrimentu i inhustisia. Wak kon Yehova Dios a sintié ora hende tabata maltratá su pueblo den tempu bíbliko. Beibel ta bisa ku el a sinti duele di nan pasobra nan enemigunan “tabata oprimí i afligí nan.”​—Huesnan 2:18, Beibel Santu.

  Hende ku ta hasi daño na otronan no tin Dios su aprobashon. Por ehèmpel, Beibel ta bisa ku e ta odia “mannan ku ta drama sanger inosente.”​—Proverbionan 6:16, 17.

• Dios ta interesá den kada un di nos. Kada hende “konosé su mes aflikshon i su mes doló.” Pero Yehova tambe ta na altura di nan sufrimentu!​—2 Krónikanan 6:29, 30.

  Mediante su Reino, Yehova pronto lo kita tur sufrimentu ku nos kada un por tin. (Mateo 6:9, 10) Mientrastantu, ku ternura e ta konsolá esnan ku ta busk’é di kurason.​—Echonan 17:27; 2 Korintionan 1:3, 4.