Hesus A Duna Su Bida pa Hopi

Hesukristu a bisa su siguidónan ku el a bini na tera, no “pa wòrdu sirbí, ma pa sirbi, i pa duna su bida komo preis di reskate pa hopi.” (Mateo 20:28) Boluntariamente el a duna su bida p’e benefisio di otro hende.

Kon Hesus a perkurá pa un reskate mediante su morto? Dikon esaki tabata nesesario? Pa ken Hesus a entregá su bida? I kiko su morto por nifiká pa bo?

Testigunan di Yehova ta invitá bo kordialmente pa bin reuní ku nan pa analisá kontesta bíbliko pa e preguntanan ei. E aña akí, e konmemorashon di Hesus su morto ta kai riba djamars 30 di mart, despues ku solo baha. Na e okashon ei, lo bo haña kontesta bíbliko riba e preguntanan ku tin aki riba.

Bo por asistí n’e Salòn di Reino mas serka di bo kas. Por fabor, chèk ku Testigunan di Yehova den bo bisindario pa bo sa e ora i sitio eksakto kaminda e evento ta tuma lugá.