Un hogar kaminda mayornan ta stima i respetá otro ta un ambiente ideal pa un yu lanta aden. (Kolosensenan 3:14, 19) Un bon mayor ta stima su yunan i ta elogiá nan meskos ku Yehova Dios a elogiá su Yu.—Lesa Mateo 3:17.

Nos Tata selestial ta skucha su sirbidónan i ta mustra interes den nan sintimentunan. Mayornan ta hasi bon di siña for di Yehova i skucha nan yunan. (Santiago 1:19) Nan mester respetá e sintimentunan di nan yunan i komprondé ku tin biaha nan por reakshoná malu.—Lesa Numbernan 11:11, 15.

Komo mayor, bo tin derecho di pone regla pa bo yunan. (Efesionan 6:1) Meskos ku Dios, mayornan tambe mester bisa nan yunan bon kla kua ta nan reglanan i splika nan kiko ta e konsekuensianan si nan desobedesé. Asina bo ta mustra amor na bo yunan. (Génesis 3:3) Pero, Dios no ta fòrsa nos pa obedes’é; mas bien, e ta siña nos ki benefisio nos lo haña si nos hasi loke ta korekto.—Lesa Isaías 48:18, 19.

Pone komo meta pa yuda bo yunan stima Dios. E ora ei nan lo komportá nan mes bon asta ora nan no ta huntu ku bo. Meskos ku abo komo mayor por siña for di Dios su ehèmpel, bo ehèmpel mester siña bo yunan pa stima Dios.—Lesa Deuteronomio 6:5-7; Efesionan 4:32; 5:1.