Ngike el kot el chad el Adam, a mle kiei el betok el dart el rak. Engdi ngdi mirrael el mo chuodel e mlad. Seikid el taem el mei er chelechang, e a rechad a mla melasem a betok el tekoi me lak bo lemechuodel. Engdi ngdirkak a chad el mla chemiis er a kodall. E ngera uchul? A Adam a mlo chuodel e mad e le ngii el dimlak lolengesenges er a Dios me ngmlo er a klengit. Kede mo chuodel e le ngokiu a Adam e kede mludiukes er a klengit me a belsel, el ngii a kodall.​—Monguiu er a Genesis 5:5; Rom 5:12.

Me a lsekum e kede mo oldeu a rengud er a diak a ulebengelel el klengar, e kede ousbech er a chad el mo loia cheral a olubet el kired. (Job 33:24, 25) A olubet a char el kirel mekekad me bo lemimokl a chad, e kid a kired el mo mimokl er a kodall. (Exodus 21:29, 30) A Jesus a mlo kokedir tia el char er sera lemad el kired.​—Monguiu er a Johanes 3:16.

Ngdiak el rokui el chad a mo mimokl er a secher me a cheluodel. E le tirke el diak lolengesenges er a Dios, el uai a Adam, a mo oridii a techall er a klengar. Ngdi tirke el chad el mla musubes a kngterir a mo oldeu a rengrir er a diak a ulebengelel el klengar.​—Monguiu er a Isaia 33:24; 35:3-6.

A bo lemusubes a kngtid, e ngar er ngii a tekoi el kired el rullii. Ngkired el mo medengelii a Dios el oeak a omesubed er a Tekingel el Biblia. Ngolisechakl er kid el mo oldeu a rengud er a ungil el rolel a klengar me a rolel e kede nguu a kengei er a Dios me a diak a ulebengelel el klengar.​—Monguiu er a Johanes 17:3; Rellir 3:19.