FROAG 7
Waut, wan mie wäa bat doa brinjen well, Sex to haben?
WAUT WURSCHT DU DOONEN?
Nancy un Ricky spazieren noch mol fa twee Moonat, oba ar späat sikj daut soo, see kjant dän aul weet nich woo lang. Dee schriewen sikj un fonen stundenlank, un ea de eena waut utjerät haft, weet de aundra aul, waut dee sajen well! Oba nu es Ricky daut nich mea jenuach, hee well mea.
En dise twee Moonat haben Ricky un Nancy sikj bloos enne Henj jefot un een bät jekust. See well nich, daut et wieda jeit, oba see well dän uk nich velieren. Fa Ricky es je see soo schmock un soo besonda. See denkjt oba uk: “Ekj un Ricky sent je aulmols aul veleeft.”
Wan du aul oolt jenuach best toom met wäm spazieren, waut wurscht du doonen, wan du Nancy wieescht?
DENKJ IEESCHT MOL NO!
Sex es een Jeschenkj von Gott, oba bloos fa de Befriede. Wäa ver de Ehe Sex haft, deit dit Jeschenkj schlajcht brucken. Daut es soo, aus wudd eena eenen Swetta kjrieen un dän brucken toom reinmoaken.
Wan eena äwa een Rootlicht foat, dan brakjt eena een Jesaz, un daut kunn schlajcht utkomen. Soo es daut uk, wan wie Gott sien Jesaz bräakjen, daut wie ons “von aule Huararie friehoolen” sellen (1. Tessalonicha 4:3).
Woo kjemt daut ut, wan eena dit Jeboot brakjt? De Heilje Schreft sajcht: “Wäa oba Huararie drift, sindicht aun sienen ieejnen Kjarpa” (1. Korinta 6:18). Wuahäa?
Forscha sajen, daut väl junge Menschen, waut verem befrieen Sex haben, oppet weinichste eent von daut beläwen, waut hia aunjejäft es:
-
DEE HABEN DAUT SCHWOA. Väl junge Menschen, waut verem befrieen Sex haben, sajen, daut see daut lota beschoden.
-
DEE HABEN NICH VETRUEN. Wan dee ieescht Sex jehaut haben, dan wundren aulebeid: “Met wäm mucht dee daut noch haben?”
-
DEE SENT ENTEISCHT. Ennalich wellen de Mejalen leewa wäm, waut äant beschizt un nich äant utnuzt. Un väl Junges intressieren sikj boolt nich mea fa soone Mejalen, waut sikj leicht waut jefaulen loten.
-
De Sach es: Wan du verem befrieen Sex hast, dan deist du waut wieetvollet “to Schaund [brinjen]” (Reema 1:24, Reimerbibel). Dien Kjarpa es too wieetvoll toom wajchjäwen.
Wies, daut du stoakj jenuach best, daut du die kaust “von aule Huararie friehoolen” (1. Tessalonicha 4:3). Wan du die eenen Dach befriest, dan kaust du Sex haben un die daut loten scheengonen. Du brukst daut dan nich schwoa haben, daut nich beschoden ooda die onsecha feelen, soo aus väle daut jeit, waut daut verem befrieen doonen (Spricha 7:22-23; 1. Korinta 7:3).
WAUT DENKJST DU?
-
Wudd die wäa wellen kjarpalich ooda ennalich Schoden aundoonen, wan dee die werkjlich leewd?
-
Ooda wudd dee von die waut velangen, waut die von Jehova wajchbrocht? (Hebräa 13:4).
Veleicht jleichst du uk dit
WAUT JUNGE MENSCHEN WEETEN WELLEN
Sie ekj reed, met eenen Jung ooda eene Mejal to spazieren?
Fief Sachen, waut die halpen kjennen uttofinjen, aus du reed best, eenen Jung ooda eene Mejal to haben un die to befrieen.
WAUT JUNGE MENSCHEN WEETEN WELLEN
Waut es doa met en, wan ekj met wäm spazieren doo?
Dreeatlei, waut doa met en es, wan een Jung un eene Mejal sikj bäta kjanen lieren.
WAUT JUNGE MENSCHEN WEETEN WELLEN
Aus Jung un Mejal spazieren – 3. Poat: Wudd wie sellen opphieren to spazieren?
Waut wurscht du sellen doonen, wan du die nich mea secha wieescht? Dis Artikjel kaun die halpen, eene Entscheidunk to moaken.
