Jehova es emma met mie
Raufloden:
1. Ekj saumel zemorjes aul Moot fa dän Dach.
Ekj sie mie gaunz eenich, to doon’, waut Gott sajcht.
De Rejierunk em Launt säd prädjen gaunz auf.
Woo kunn ekj stell senn’? Gott, jeff mie Krauft!
(KUA)
Un wan ekj bäd, feel ekj dietlich Jehova sien’ Fräd un Ru.
Hee es mien Rada un Torm, opp dän ekj vetru.
Ekj doaf nich Angst ha’n, wiels hee es emma met mie.
2. Ekj jrebbel zeowes äwa disen Maun;
dee horcht sikj de Bootschoft soo deemootich aun.
Un ekj bäd, daut ekj dän kaun boolt wada seen’.
Wäa weet, aus de Woarheit nich väl aun am deed.
(KUA)
Un wan ekj bäd, feel ekj dietlich Jehova sien’ Fräd un Ru.
Hee es mien Rada un Torm, opp dän ekj vetru.
Ekj doaf nich Angst ha’n, wiels hee es emma met mie.
(BRIGJ)
Aus een Fia en mien Hoat, waut heet en mie brent,
sent Gott siene Wieed deep en mie benn’.
Wua ekj daut kaun, moak ekj dee bekaunt,
woa nich doamet opphier’n un doon’, waut ekj kaun.
Breeda un Sestren gon’ krakjt soo väl derch.
Voll Gloowen un Moot kjikj ekj no väar’n.
Boolt woat Jehova de niee Welt brinj’.
Dankboa un schaftich doo ekj fa am sinj’.
3. Gaunz tofräd un goot meed aum Enj vom Dach
dank ekj Jehova un go dan to Bad.
Waut doa morjen woat kom’, woa ekj noch seen’.
Doch ekj weet, daut ekj sie kjeenmol auleen.
(KUA)
Un wan ekj bäd, feel ekj dietlich Jehova sien’ Fräd un Ru.
Hee es mien Rada un Torm, opp dän ekj vetru.
Ekj doaf nich Angst ha’n, wiels hee es emma met mie.
