1. Oo Gott, du sitst mie un du kjanst mie,

weetst, wan ekj opp sie ooda wan ekj schlop.

Du unjasieekjst Jedanken un Jefeelen;

daut, waut ekj saj un doo, ver die

es aules op.

Du sachst mie, ea ekj to Welt kjeem,

aus miene Jläda wieren noch nich doa.

Aul mien Jeschekj wia en dien Buak jeschräwen.

Gott, diene Macht un aul dien Woakj

es wundaboa.

Oo diene Weisheit es bloos onen Jrensen,

dien Weeten hecha, aus ekj kaun veston’.

Un wudd de diestre Nacht mie gaunz bedakjen,

ekj weet, daut du aun miene Sied wurscht gon’.

Wua kunn ekj mie fa die vestäakjen?

Wua sull ekj hangon’, wua du mie nich sachst?

Mau rajcht em Grauf, em Himmel ooda sestwua;

du kaust mie seen’, nemst miene Haunt,

wiest mie dän Wajch.