LEET 62
Daut niee Leet
(Psalm 98)
-
1. Sinjt een Leet fa Gott von aules, waut hee haft jedon’.
Sinjt von siene Wunda, von daut, waut noch woat kom’.
Rät von siene Macht, lot aulem weeten, woo hee rat.
Boolt woat hee Jerecht hool’n;
Jehova sitt nom Rajcht.
(KUA)
Sinjt, sinjt, sinjt!
Daut niee Leet lot kjlinj’!
Sinjt, sinjt, sinjt
von daut, waut Gott volbrinjt!
-
2. Jucht ut groote Freid fa onsen Kjennich, waut rejieet.
Stemt een scheenet Leet aun, waut sienen Nomen ieet.
Komt un sinjt met ons, un low wie Gott en Eenichkjeit.
Spält met Instrumenten,
bewiest Gott june Freid!
(KUA)
Sinjt, sinjt, sinjt!
Daut niee Leet lot kjlinj’!
Sinjt, sinjt, sinjt
von daut, waut Gott volbrinjt!
-
3. Horcht! Daut groote Mäa, de Wint, de Walen un de Fesch.
Hia jie uk de Väajel? Dee sinjen aula met.
Aules loft dän Harn; de Riefasch klautschen met de Henj.
Aulawäajen schault daut
de huage Boaj delenjd.
(KUA)
Sinjt, sinjt, sinjt!
Daut niee Leet lot kjlinj’!
Sinjt, sinjt, sinjt
von daut, waut Gott volbrinjt!
(See uk Psa. 96:1; 149:1; Jes. 42:10.)
