Wuarom sikj daut LOONT to läwen
EN DE väaje Artikjels hab wie veschiedne Omstend jeseenen, waut daut Läwen sea schwoa moaken kjennen. Wan du Trubbels derchmoakst, denkjst du veleicht, aus sikj daut loont to läwen ooda aus doa verheipts wäa om die todoonen es. Oba sie die secha, daut Gott doarom bekjemmat es, woo du die feelst. Du best bie am wieetvoll.
Dee, waut dän 86. Psalm schreef, vetrud opp Gott; hee säd: “Wan ekj en Trubbel kom, woa ekj die aunroopen, wiels ekj weet du woascht mie auntwuaten” (Psalm 86:7). Veleicht denkjst du: “Woo woat Gott mie halpen, ‘wan ekj en Trubbel kom’?”
Wan Gott diene Trubbels uk nich fuaz wajchnemt, vesechat hee die oba en sien Wuat, daut hee die ennalichen Fräd jäwen woat, daut du met dee foadich woascht. Daut sajcht: “Sorcht junt om nuscht. Lot Gott met bäden un prachren un dankscheen sajen aules weeten waut junt fält! Un Gott sien Fräd, dee wiet äwa aules jeit waut Menschen vestonen kjennen, woat june Hoaten un Jedanken . . . bewoaren” (Filippa 4:6-7). Kjikj mol, woo de Schreftstalen, waut nu komen, wiesen, daut Gott om ons bekjemmat es.
Gott es om die bekjemmat
“Doch es bie Gott nich . . . [een Spoalinkj] vejäten. . . . Jie sent mea wieet aus een deel Spoalinja” (Lukas 12:6-7).
TOOM NODENKJEN: Menschen talen kjliene Väajelkjes, soo aus Spoalinja, veleicht nich fa wichtich, oba Gott kjemmat sikj om dee. Hee acht opp jieda kjlienet Spoalinkj, wiels jieda eent es väl wieet fa am. De Menschen sent väl wieetvolla aus de Spoalinja. Von daut, waut Gott oppe Ieed jemoakt haft, es nuscht soo besonda aus de Menschen. Dee sent no sien Bilt jemoakt un kjennen soone Ieejenschoften wiesen, aus Gott haft (1. Mose 1:26-27).
“Oo HAR, du hast mie unjasocht un kjanst mie. . . . Du weetst . . ., waut ekj denkj.” “Unjaseakj mien Hoat; proow mie, un unjaseakj miene Jedanke” (Psalm 139:1-2; 139:23, Reimerbibel).
TOOM NODENKJEN: Gott kjant die perseenlich. Hee kjant diene deepste Jefeelen un Sorjen. Wan aundre diene Trubbels un Angst veleicht uk nich vestonen kjennen, es Gott oba om die todoonen un well die halpen. Doawäajen loont sikj daut to läwen.
Dien Läwen haft eenen Senn
“Hia mien Jebäd, oo HAR; lot mien prachren om Help no die komen. . . . Horch no mie wan ekj roop, un doo mie schwind auntwuaten. . . . Hee woat opp de velotne äa Jebäd auntwuaten” (Psalm 102:2-3, 18).
TOOM NODENKJEN: Jehova weet om aule Tronen om, waut Menschen vegoten haben, wäajen dee lieden musten (Psalm 56:8). Hia sent uk diene Tronen met en. Gott vejat diene Schwierichkjeiten un Tronen nich, wäajen du best wieetvoll fa am.
“Enjst die nich, wiels ekj sie met die; fercht die nich, wiels ekj sie dien Gott. Ekj woa die stoakj moaken, un die halpen. . . Ekj de HAR, sie dien Gott . . . Velot die doaropp wan ekj saj: ‘Enjst die nich, ekj woa die halpen’” (Jesaja 41:10, 13).
TOOM NODENKJEN: Gott well die halpen. Wan du mol hanfelst, dan woat hee die opphalpen.
Doa es Hopninj fa eene bätre Tiet
“Gott seine Leew fa dise Welt es soo groot, daut hee sienen eensjen Sän jeef, daut aul dee, dee aun am jleewen, nich veloaren gonen, oba daut eewje Läwen haben” (Johanes 3:16).
TOOM NODENKJEN: Du best fa Gott soo wieetvoll, daut hee friewellich sienen eensjen Sän Jesus aus een Opfa fa die jeef. Derch dit Opfa hast du de Hopninj, fa emma een schaftjet Läwen to haben. *
Wan du Trubbel hast un feelst, daut du nich wiedakaust, dan studia deep de Schreft un stoakj dienen Gloowen aun de Hopninj, waut Gott vesproaken haft. Dan woascht du schaftich sennen un seenen, daut sikj daut loont to läwen.
^ Wan du mea doaräwa weeten west, woo die Jesus sien Opfa togood komen kaun, dan kjikj opp www.ps8318.com daut Video Denkjt aun Jesus sienen Doot. Sieekj en MEA ÄWA ONS > AUNDENKJEN.
Veleicht jleichst du uk dit
MEA ÄWA ONS
Wuarom loont sikj daut, de Bibel studieren?
De Bibel haft aul millionende Menschen jeholpen. Dee kaun die uk halpen!
DE WOAKTORM
Woo Gott wiest, daut hee om die bekjemmat es
Derch de Schreft kaust du Gloowen kjrieen aun de scheene, komende Tiet, waut Gott vesprakjt.
