Nä, kjeena woat die doatoo bemotten. Wie studieren met millionende Menschen de Bibel, waut oba nich Jehowa siene Zeijen woaren. a De Grunt, wuarom wie met aundre studieren, es toom wiesen, waut de Schreft lieet. Waut deejanje dan met daut doonen, waut dee ut de Schreft lieren, es dee äare ieejne Sach. Wie weeten, daut jieda eena selfst entscheiden kaun, wan daut om dän Gloowen jeit (Josua 24:15).

 Jo, du kaust sea wellich diene ieejne Bibel brucken. En meist aule Biblen kaun eena daut, waut de Schreft äwa Hopninj un Radunk sajcht, kloa vestonen. Wie jleichen uk De Bibel – Niee-Welt-Äwasatunk to brucken, wiels dee leicht to vestonen es. Dee jeft daut opp väl Sproaken, un wie kjennen die wellich soone emsonst jäwen.

•   De Hauptgrunt es, wiels wie Jehowa Gott leewen. Dee well, daut Christen aundre daut metdeelen, waut dee ut de Schreft jelieet haben (Matäus 22:37-38; 28:19-20). Fa ons jeft daut kjeene jratre Iea aus daut wie kjennen “Gott siene Metoabeida” sennen un aundre halpen, sien Wuat kjanen to lieren (1. Korinta 3:6-9, PB).

•   Wie doonen daut uk, wiels wie onsen Näakjsten leewen (Matäus 22:39). Wie freien ons, wan wie aundre daut wundascheene vetalen kjennen, waut wie ut de Schreft jelieet haben (Aposteljeschicht 20:35).