Nä. Wie doonen räajelmässich von Hus to Hus prädjen, oba wie jleewen nich, daut wie ons doaderch de Radunk vedeenen kjennen (Efeesa 2:8). Wuarom nich?

 Stal die mol väa, een friejäwaja Maun vesprakjt jiedrem eenen een wieetvollet Jeschenkj, wan dee aun eenen jewessen Dach no eenen jewessen Uat kjemt. Wan du doa werkjlich aun jleefst, wurscht du dan nich doonen, waut dee die sajcht? Gaunz secha. Woomäajlich wurscht du soogoa diene Famielje ooda Frind daut sajen, daut dee doa uk kjennen eenen Nutzen von haben. Wan du nu deist, waut de Maun sajcht, woascht du die daut Jeschenkj doamet oba nich vedeenen. Daut Jeschenkj blift een Jeschenkj.

 Biejlikj soo jleewen Jehova siene Zeijen, daut Gott aul deejanje eewjet Läwen vesprakjt, waut am jehuarsom sent (Reema 6:23). Wie wellen met aundre äwa onsen Gloowen räden, daut dee uk eenen Nutzen von Gott sien Vespräakjen haben kjennen. Oba wie jleewen nich, daut wie onse Radunk doaderch vedeenen kjennen, daut wie von Hus to Hus gonen (Reema 1:17; 3:28). Kjeena wudd kjennen soo väl doonen, daut hee sikj dit besondre Jeschenkj von Gott vedeenen kunn. “Hee [rad] ons. Daut wia nich, daut wie Jerajchtichkjeits Woakjen opptowiesen hauden, daut wia ut sien ieejnet Metlieden” (Titus 3:5, De Plautdietsche Bibel).