2 RAKʼIY

Kawsayniyki tikrakuchkasqan

¿Imayna cuerpoyuqchus kasqaykiwan kusikunkichu?

□ Arí □ Mana

Cuerpoyki tikrakuchkasqanrayku, ¿sapallaykichu sientekunki, iskaychasqajinachu chayri manchachisqajinachu kachkanki?

□ Arí □ Mana

¿Pʼunchaynintintachu juk waynapi chari juk sipaspi yuyanki?

□ Arí □ Mana

Kay kimsantin tapuykunamanta mayqintapis “ari” nispa kutichinki chayqa ama llakikuychu. Mana qamllachu ajina kachkanki. Waynayachkasqaykirayku, chayri sipasyachkasqaykirayku, cuerpoyki tikrakuchkan, chayraykutaq wakin kuti imallamantapis kusikunki, chayri llakikunki. Wawallaraq kachkaspa usqhayllata wiñayta munarqanki. Kunantaq chay munayniyki juntʼakuchkasqanta reparakuspaqa waynayay chayri sipasyay mana yuyasqaykimanjinachu kasqanta qhawanki. Kay 6, 7, 8 yachaqana ima, kawsayniyki tikrakuchkasqanmanta mana ancha ñakʼarinaykipaq yanapasunqa.

 [56, 57 paginaspi hojantinpi dibujo/foto]