¿Pejpa makinpitaj kay mundo kashan?
¿Ima niwajtaj?
-
¿Diospa makinpichu?
-
¿Runaspa makinpichu?
-
¿Supaypa makinpichu?
BIBLIAQA NIWANCHEJ
‘Mundontin Diabloj makinpi kashan’ (1 Juan 5:19, Diospa Palabran).
“Chayrayku Diospa Wawanqa jamorqa Diabloj ruwasqasninta tukuchinanpaj” (1 Juan 3:8).
KAYTA YACHAYQA YANAPAWANCHEJ
Kay mundopi imajtinchus problemas kasqanta entiendenapaj (Apocalipsis 12:12).
Kay mundomanta problemas tukukapunanta suyakunapaj (1 Juan 2:17).
¿IMARAYKUTAJ BIBLIAJ NISQANPI CREESUNMAN?
Kay kinsa imasrayku:
-
Satanasqa manaña gobernanqachu. Jehová Diosqa manaña saqenqachu Satanás runasta gobernananta. Payqa ‘chinkachenqa Diablota’, allin kausaytataj qowasun (Hebreos 2:14).
-
Diosqa Jesucristota gobernanawanchejpaj churarqa. Jesusqa mana Diablo jinachu payllapi yuyan, nitaj sajrachu. Chayrayku Jesusmanta Dios nerqa: “Mana imayoj runasta, wajchastapis khuyanqa [...]. Paykunataqa ñakʼarichej runasmanta, sajra runasmantawan salvanqa”, nispa (Salmo 72:13, 14).
-
Diosqa mana llullachu. Bibliaqa sutʼita niwanchej: “Nitaj jaykʼajpis chay imasmanta llullakunmanchu”, nispa (Hebreos 6:18). Jehová Diosqa nisqanta juntʼanqapuni (Isaías 55:10, 11). “Kay mundota kamachejta jawaman wijchʼonqa” (Juan 12:31).
¿KAYTA YACHAYTA MUNAWAJCHU?
¿Imaynataj kausay kanqa kay mundo manaña Diabloj makinpichu kajtin?
Chayta yachanaykipaj leeriy: SALMO 37:10, 11; APOCALIPSIS 21:3, 4.
Kaykunatapis qhawaykurillawajtaj
TORREMANTA QHAWAJ
¿Imaraykú runas allin kausayta mana apamuyta atinkuchu?
Ashkha runas, mayta kallpachakojtinkupis Jallpʼapi allin kausayta mana sayachiyta atinkuchu. Imaraykuchus mana atisqankuta yachay.
BIBLIAMANTA SUMAJ YACHACHIYKUNA
¿Imaraykutaj Dios llakiykuna kananta saqen?
Biblia imatachus chaymanta nisqanta yachaytaj sonqochawanchej.
TORREMANTA QHAWAJ
¿Satanasta manchikunachu?
Diosqa Satanasmanta jarkʼakunapaj tawa yanapasta qowanchej. Chaykunata leeriy.
NOQAYKUMANTA
¿Imaraykutaj Bibliamanta yachakuna?
May chhika runas Bibliapi tukuy tapuykunasninman kutichiykunata tarinku. Kay libromanta noqaykuwan yachakuy.
