Torremanta Qhawaq musuq revista entiendeyta atikunanpaqjina inglespi

MAY kusiywan willayta munayku kay revistaqa, kunanmantapacha juk watatajina, tukuy entiendeyta atinankupaqjina inglespi urqhukunqa, sapa killataq kanqa. Kay revistapiqa, ukhunchanapaq yachaqanas, wak yachaqanas ima rikhurinqa. Kay revistaqa, Jehovamanta sutʼinchaqkunata Diosmanta astawan sutʼita yachakunankupaq yanapanqa.

Sutʼincharinapaq, Fiyi, Ghana, Kenia, Liberia, Nigeria, Papúa Nueva Guinea, las islas Salomón nisqa suyuspiqa, inglesllata astawan parlanku. Hermanosqa tantakuykunapi, willaypi ima inglesta astawan parlanku wasinkupi wak qalluta parlaspapis. Chaywanpis publicacionesninchikpi kaq inglestaqa mana entiendeyta atillankuchu. Wakin hermanostaq wak suyupi tiyakusqankurayku inglesllapi parlananku tiyan, pisillata parlayta yachaspapis. Chantapis wakinqa, qallunkupi kaq qutuchakuyman mana riyta atinkuchu.

Yachanchikjina Torremanta Qhawaq revistataqa, sapa semana ukhunchanchik chayniqtataq allin kamachi yuyayniyuqqa horanpi mikhunatajina musuq yachachiykunata yachachiwanchik. Chayrayku kay revistaqa, inglesta parlaq hermanosninchikta aswan sutʼita entiendenankupaq yanapanqa. Kay revistap tapanqa, wakjinataq kanqa, chaywanpis subtítulos, párrafos, tapuykuna, recuadros, dibujos, fotos imaqa, kikillantaq kanqa. Ajinamanta Torremanta Qhawaq revistata ukhunchakuptin, hermanosqa mayqin revistallamantapis ñawiriyta atinqanku. Kay urapi, imaynachus kananta rikuchinanpaq ñawpaq kaq ukhunchanapaq yachaqanamanta iskay kaq parrafon rikhurin.

Achkha hermanos mañakunku: “Sumaj yuyayta qoway kamachisqasniykita yachaqakunaypaj”, nispa (Sal. 119:73). Kay musuq revistaqa, chaypaq yanapanqa. Tukuychá sapa semanapaq Torremanta Qhawaq revistata ukhunchakunanpaq astawan sumaqta wakichikunqanku. Jehovaqa tukuy “hermanosta” munakun, chayrayku “allin kamachi, yuyayniyoj[niqta]” tukuy necesitasqanchikta quwasqanchikmanta may agradecesqa kachkanchik (1 Ped. 2:17; Mat. 24:45).

Diospa Llaqtanta Kamachiqkuna