BIBLIAQA Sumaj Jallpʼamanta wakin lugares sachʼarara kasqanta nin (1 Rey. 10:27; Jos. 17:15, 18). Kunantaj chay lugaresqa mana sachʼasniyojchu. Chayraykutaj wakin runasqa tapukunku Bibliaj nisqan cheqachus manachus kasqanta.

La vida en el Israel bíblico (Life in Biblical Israel) nisqa libro nin: “Israelpi kunanqa ñaupa tiempomanta nisqa, mana ashkha sachʼas kanchu”, nispa. Israelpa orqosninpeqa pino de Alepo (Pinus halepensis), encina de Palestina (Quercus calliprinos), terebinto (Pistacia palaestina) nisqa sachʼas kaj. Vallespitaj Israelpa orqosninpa kantusninmanta, jatun qochaj kantusninkama kʼita higo sachʼas (Ficus sycomorus) may ashkha karqa.

Plantas de la Biblia (Plants of the Bible) nisqa libroqa, Israelpa wakin lugaresninpi kunan manaña ni ima sachʼas kasqanta nin. ¿Imaraykú manaña sachʼas kanchu? Chay libro sutʼinchan pisimanta pisi chinkasqanta, nintaj: “Runasqa chajrasniyoj kanankupaj, uywasninkuta michinankupaj, wasista ruwanankupaj, llantʼapaj ima, sachʼasta kʼutorqanku”, nispa.