Saqra ruwaykunaqa chinkanqaña
Saqra ruwaykunaqa chinkanqaña
ÑAWPAQ yachaqanapi rikunchikjina, Diosqa Palabranpi, imaraykuchus runas saqrata ruwasqankuta sutʼinchawanchik. Chantapis Payqa, akllayta atinapaqjina, saqra munayninchikta atipanapaqjina ima, ruwawanchik. Chayrayku saqrata ruway chayri mana ruwaypis, sapa jukmanta kachkan (Deuteronomio 30:15, 16, 19). Arí, imachus ñuqanchikpi mana allin kasqanta, reparayta chayri allinchayta atinchik. Chayta ruwasun chayqa, mana ñuqallanchikchu kusisqas kasunchik, manaqa ñuqanchikwan kaqkunapis (Salmo 1:1).
Allin kaqta ruwanapaq mayta kallpachakuspapis, kay pachapi saqra ruwaykunata, mana tukuchiyta atisunchu. Biblia nirqa: “Yachanallaykitaj tiyan kayta: Qhepaman manchay sajra pʼunchaykuna jamonqa”, 2 Timoteo 3:1-5).
nispa. Chantataq, imaraykuchus saqra pʼunchaykuna kananta sutʼincharqa: “Runasqa kay jina kanqanku: Imallatapis paykunallapaj munajkuna, qolqeta munakojkuna, runaykachajkuna, tukuypa contranta millayta rimajkuna, jatunchakojkuna, tatasninkuta mana kasojkuna, mana graciasta qoyta yachajkuna, Diosta mana manchachikojkuna, mana sonqoyojkuna, rumi sonqos, qhasimanta tumpajkuna, aychaj sajra munayninta mana atipayta atejkuna, mana khuyarispa sajrata ruwajkuna, allin kajta chejnejkuna, wasanchajkuna, mana qhawarikuspa imallatapis ruwarparejkuna, may kasqankuta yuyakojkuna, kay pachaj kusikuyninta astawan munakojkuna Diosta munakunankumanta nisqaqa. Chaykunaqa Diosta yupaychajkunaman rijchʼakullanku, kawsasqankuwanri, Diospa atiyninta qhesachanku. Chaykunawanqa ama ima ruwanayki kachunchu” (Imallapis ‘qhipa pʼunchayninman’ chayachkasqanmanta parlaspaqa, chay ima, tukukuyninman chayachkasqanta nichkanchik. Chantá kay profecía nisqanmanjina, ¿imataq tukukuyninman chayachkan? Bibliap sutʼinchasqanmanjina chayta qhawarina.
Saqra runas manaña kanqachu.
“Tumpamantawanqa manaña sajra runas kanqankuchu; may jinata maskʼaspapis, manaña paykunata tarinkiñachu. Llampʼu sonqoyojkunatajrí kay pachata herenciata jina japʼenqanku, allin kawsaypitaj kusisqa kanqanku.” (SALMO 37:10, 11)
“Tata Diosqa payta munakojkunata waqaychan, sajra runastatajri chinkarparichenqa.” (SALMO 145:20)
Kʼacha runasqa manaña ñakʼarinqankuchu.
“Payqa wajchata salvanqa paymanta mañakojtin; mana piniyoj ususqa runatapis salvallanqataj, mana pi yanapajtimpis. Ñakʼarichispa sarojkunaj makisninkunmanta runasta salvanqa.” (SALMO 72:12, 14)
“Tukuy kay pachapis ismuypa atiyninmanta kacharichisqa kanqa, Diospa kacharichisqa wawasninwan khuska jatun kusiypi kanampaj.” (ROMANOS 8:21)
Ni pipis, “pisiyasqa kani” ninqachu.
“Tukuy kawsakonqanku ni imata manchachikuspa; sapa uj samarikuyta atenqa uvasninkoj llanthumpi, jinataj higo sachʼankoj llanthumpi.” (MIQUEAS 4:4)
“Chaypi wasista ruwakuspa, tiyakonqanku. Uva huertasta churanqanku, poqoynintataj mikhonqanku. Wasistaqa mana wajkunalla tiyakunankupajchu ruwanqanku, jinallataj uva huertastapis mana wajkuna mikhunankupajchu churanqanku. Ayllusneyqa sachʼas jina kawsanqanku. Jinamanta ajllasqasniypis makisninkoj tarpusqanta mikhurikonqanku.” (ISAÍAS 65:21, 22)
Jallpʼantinpi chiqan kaqlla kanqa.
“Manachu Diosqa ajllasqasnin tuta pʼunchay paymanta mañakojkunapaj justiciata ruwanqa? [...] Noqa niykichej: Mana suyachikuspa, justiciataqa ruwaponqa.” (LUCAS 18:7, 8)
“Tata Diosqa cheqan kajta munakun, manataj qonqapunchu paypaj tʼaqasqa kajkunamanta.” (SALMO 37:28)
“Qan kay pachapi justiciata ruwajtiykeqa, kay pachapi kaj runas yachanqanku imachus cheqan kasqanta.” (“Noqanchejrí suyashanchej mosoj cielota, mosoj jallpʼatawan, Dios ruwasaj nisqanman jina, maypichus cheqan kawsaylla kanqa, chayta.” (2 PEDRO 3:13)
Runaqa kawsayninta tikrachkanña
Tukuyninchik, Diospa nisqan juntʼakunallantaña munanchik. Chaywanpis, ¿chaykuna juntʼakunanpi atienekusunmanchu? Arí. Imaraykuchus kay tiempopiña, Jallpʼantinmanta may chhika runas, saqra kawsayninkuta saqispa, kʼacha runasman tukuchkanku. Jehovamanta sutʼinchaqkunaqa, qanchis junumanta astawanña kanku. Paykunataq Jallpʼantinpi juk familiajina kawsakunku. Manataq wak laya kasqankurayku, suyunkurayku chayri wak imasrayku chiqninakunkuchu. Rikukusqanmanjinataq chay ruwaykunaqa, achkha ñakʼariykunata rikhurichin. * Arí, qhawanchikjina may chhika runas, kawsayninkuta tikrachichkanku. Chayrayku Diospa nisqan, aswan qhipaman astawanraq juntʼakunanta nisunman.
¿Imaraykutaq may chhika runas kawsayninkuta tikrachichkanku? Kay tapuyman kutichinapaqqa, profeta Isaías nisqanta qhawarina:
“Chaypacha atojwan, ovejawan ujllapi kawsarikonqanku. Leonwan, chivituwampis ujllapi winkurenqanku. Waka uñawan, leonwampis khuska mikhonqanku. Chaykunatataj uj wawalla michenqa. [...] Leonpis waka jina pastota mikhonqa. Ñuñoj wawaqa cascabel katarej juskʼun patapi phujllakonqa; ñuñumanta pʼitisqa wawapis nina katarej puñunanman makinta satʼillanqa. Isaías 11:6-9.)
Chay Santo Orqoypeqa mana ima sajratapis ruwanqankuchu, imaraykuchus tukuy jallpʼaqa Tata Diosta rejsiywan juntʼa kanqa, imaynatachus mama qochaman yaku juntʼaykun, ajinata.” (¿Kay profecía runaswan animaleswan allinpi kawsakunallankumantachu parlachkan? Mana. Imaraykuchus kay pʼitip tukukuynin nisqanmanjinaqa, “Jallpʼaqa Tata Diosta rejsiywan juntʼa” kanan karqa. Diosta riqsiy, ¿animalespa yuyayninkuta tikrachinmanchu? Mana. Imaraykuchus runaslla, Diosta riqsispa kawsayninkuta tikrayta atinkuman. Chayrayku kay profeciaqa, ruwayninkupi animalesman rikchʼakuq runas, kʼacha runasman tukunankumanta ima parlachkan.
Pedrop * kawsayninmanta parlarina. Payqa chiqan kaqta ruwasqanta yuyaspa, terroristas nisqasman jukchaykukurqa. Wakichisqa kaptinñataq, policiaspa cuartelninkuta bombawan tʼuqyachinanta kamachirqanku. Chaywanpis, manaraq chayta ruwachkaspa japʼichikusqa, carcelpitaq wisqʼachikusqa. Chaypiqa, 18 killasta karqa, manataq saqra yuyayninta tikrachisqachu. Chaywanpis carcelpi kanankama, warminqa Jehovamanta sutʼinchaqkunawan Bibliamanta yachakuyta qallarisqa. Chayrayku Pedroqa, carcelmanta lluqsimuspa, paypis Bibliamanta yachakuyta qallarisqa. Yachakusqantaq kawsayninta tikrachisqa. Chayrayku pay nin: “Chay terroristaswan kachkaptiy, ni pitapis wañuchisqaymanta Jehovaman agradecekuni. Kunanqa armata apaykachanaymantaqa, Bibliata apaykachani. Chaywantaq allin kawsaymanta, Diospa Reinonmanta ima, runasman riqsichini”, nispa. Pedroqa kawsayninta maytapuni tikrachirqa. Imaraykuchus, mayqin cuarteltachus tʼuqyachinan karqa chaymanpis, allin willaykunata chayachirqa.
Bibliaqa, runaspa kawsayninta tikrachinanpaq, ¡may atiyniyuq! Runasta saqra ruwayninkuta saqichin, kʼacha runasmantaq tukuchin. Arí, Diosqa saqra ruwaykunata tukuchinqapuni. Chaypaqtaq, saqrata qallarichiq Kuraq Supayta chinkachinqa. Imaraykuchus Biblia ninjina, ‘kay pachaqa Kuraq Supaypa atiyninpi kachkan’ (1 Juan 5:19). Tumpamantawanqa, saqra kawsayninkuta mana tikrachiyta munaqkunapis, Kuraq Supaywan khuska chinkachisqa kanqanku. Saqra kawsay chinkaptin, ¡may kusisqachá kawsakusun!
Chayta juntʼakuqta rikunapaq, ¿imatá ruwananchik tiyan? Rikunchikjina, ‘Jehová Diosta riqsiymin’ runaspa kawsayninta tikrachichkan, chay yachayllataq, kay pachapi imapis allinchakunanpaq yanapanqa. Chayrayku Pedrojina, Diosmanta yachakuspa, chaymanjina ruwanki chayqa, qampis wiñay kawsayta tarinki (2 Pedro 3:13). Arí, Diosmanta, Jesucristomanta ima, yachakunaykipaq, kunan tiempo kachkan. Imaraykuchus, chayta ruwaspalla wiñay kawsayta tarinki (Juan 17:3).
[Sutʼinchaykunasnin]
^ párr. 20 Astawan yachanaykipaq, kay “Jehovamanta sutʼinchaqkuna, ¿pikunataq kanku, imatataq yachachinku?” nisqa folletota ñawiriy. Kaytaqa, Jehovamanta sutʼinchaqkuna urqhunku.
^ párr. 24 Chayqa mana sutinchu.
[9 paginapi sutʼinchaynin]
Qampis kay musuq pachapi kawsakuyta atiwaq, “maypichus cheqan kawsaylla kanqa” (2 PEDRO 3:13)