Kay 2023 watapi 23 de mayopi Estados Unidospi saludmanta uj jatun autoridadqa willarqa imaynatachus kay redes sociales nisqa jovenesta mana allinman chayachishasqanta.

•   Chay autoridadqa Estados Unidosmanta director general de Salud Pública kashan, payqa uj willaypi ajinata nerqa: “Kay redes sociales nisqaqa wakin wawasta, jovencitustapis yanapanman. Chaywanpis rikukusqanman jina jovencitusta llakiyllaman chayachishan, onqochishantaj” (Social Media and Youth Mental Health: The U.S. Surgeon General’s Advisory, 2023).

 Chay willaypi nillantaj pruebasta ruwasqankupi imastachus reparasqankuta, chaytaj llakikunapaj jinapuni.

•   12 watayojmanta 15 watayojkama jovencitusmanta parlaspa jinata nerqanku: “Sapa pʼunchay kinsa horasta kay redes sociales nisqapi kajkunaqa aswan facilta onqonkuman kay depresión onqoywan chayri anchata llakikunkuman”.

•   14 watankupi jovencitusmanta parlaspa jinata nerqanku: “Paykunaqa sapa rato redes sociales nisqapi kasqankurayku mana allintachu puñukunku, chaymantapis wajkuna paykunamanta burlakunku toreankutaj, cuerponkuta mana allinpajchu qhawanku, mana valesqankuta yuyanku, aswan faciltataj depresión onqoyta japʼinku. Chaytaj astawan rikukun jovencitaspi”.

 ¿Imastataj tatamamas ruwankuman chaykunamanta wawasninkuta jarkʼanankupaj? Chaypajqa Bibliapi sumaj consejos kan.

 Wawaykimanta llakikuy. Tatamamas, sumajta qhawariychej kay redes sociales nisqa nisunman whatsapp, facebook chayri chayman rijchʼakoj imas imasmanchus wawasniykichejta chayachiyta atisqanta. Chayman jinataj niychej wawasniykichej chaykunata utilizanankutachus manachus.

•   Bibliaqa nin: “Wawataqa allinta yachachiy may ñantachus rinanta” (Proverbios 22:6, sutʼinchaynin).

•   Chaymanta astawan yachanaykipajqa “¿Deberían mis hijos usar redes sociales?” nisqa yachaqanata leeriy.

 Sichus wawaykiman permisota qonki redes sociales nisqaman yaykunankupaj chayqa, sumajta qhawariy Internetpi imastachus qhawashanku, imastachus ruwashanku chayta. ¿Imaynatá chayta ruwawajchej?

 Internetpi sajra imasmanta wawaykita jarkʼay. Wawaykita yachachiy kay redes sociales nisqapi imaschus allin imastajchus mana allinchu kasqanta reparanankupaj.

•   Bibliaqa nin: “Ama parlallaychejpischu khuchichakuy juchamanta, imaymana millay imasmanta, nitaj munapayaymantapis. […] Qankuna ukhupeqa nillataj kananchu tiyan: pʼenqayta puriy, wampu parlaykuna, millay chansas ima” (Efesios 5:3, 4).

•   Chaymanta astawan yuyaychaykunata kay yachaqanapi tarinki: “Enséñele a su hijo adolescente a usar con seguridad las redes sociales”.

 Wawaykiwan sumajta parlariy. Wawaykiman sutʼita niy maykʼajchus, mashkha tiempotachus redes sociales nisqaman yaykuyta atisqankuta.

•   Bibliaqa nin: “Ama wampus jina kausaychejchu, manachayqa yachayniyojkuna jina. Tiempoykichejta ama usuchiychejchu” (Efesios 5:15, 16).

•   Wawaykiwan “Dibujasqa videos” nisqamanta kay videota qhawariychej: Redes socialesman yaykuspa sumaj yuyayniyoj kay. Chayqa yanapanqa mana redes sociales nisqallapi kananpaj.