Salmos 23:1-6
(1a) David qelqashqan salmu.
23 (1b) TAYTA DIOSMI mitsimaqnï.*Manami imapis pishïmantsu.
2 Ali qewakunachömi mitsiman.Chuya yakumanmi pushaman.*
3 Kalpatapis paymi qoman.*Kuyakuq karmi ali nänipa pushaman.*
4 Tayta Dios, qamqa imaypis yanaqaykämankimi.Wanuy janächöna kaptinpis manami mantsakütsu.Tukruykiwan washämaptikimi imaypis qamman yärakamü.
5 Chikimaqnïkuna rikakunanpaqmi bendicionnikita churamunki.Umäman aceitita winapämaqnömi kushishqa chaskimanki.*Bendicionnikita lipay lipayta chaskirmi pasaypa kushikü.
6 Waran waranmi kuyapaykämanki.Qoyay qoyaymi rikaykämanki.Wayikichömi imayyaqpis qamwan kawashaq.*
Ichic wilacuycuna
^ 23.1 Gén. 48.15; Isa. 40.11; Jer. 31.10; Eze. 34.23; Juan 10.11; Heb. 13.20; 1Ped. 5.4; Apoc. 7.17.
^ 23.2 Jer. 31.9; Eze. 34.13-15.
^ 23.3a Isa. 40.31.
^ 23.3b Prov. 4.11-12.
^ 23.5 Tsay witsan wayinman mikunanpaq qorpa chayaptin kushishqa chaskikur umanman aceitita winapaq.
