Kay folletucho Bibliapita yachakungaykimi yanapäshushgayki Jehovata más kuyanaykipaj. Pero ama permitiychu chay kuyakuyniki ilakänanta (1 Pedro 2:2). Imaykamapis kawayta chaskinaykipajga Jehovamanmi más witinayki Palabranta estudiarnin. Lei Juan 17:3 y Judas 21.

Diospita ichiklapa ichiklapa más yachakungaykiwanmi fe-nikita winachinki, y Diostapis masraj kushichinki (Hebreos 11:1, 6). Kawayninchicho arrepentikunapaj y cambianapajga fe-ninchimi yanapamäshun. Lei Hechos 3:19.

Kay yachakungaykipitaga maynachi pilatapis wilapäriyta munanki. Biblia utilizaytaga yachakunki cadala estudiarninmi, chaynöpami wakinkunata wilapayta puedinki Jehovapita y ali wilakuynimpita. Lei Romanos 10:13-15.

Familiaykikunata y amiguykikunatami parlapar galaykunkiman. Pero respetuwan y ali shimilapa parlapay. Paykuna creiyangan mana ali kangan ninaykipa trukanga, Diosninchi awnikunganta wilapäriy. Ama gongaychu, imano tratangaykitami paykunaga más yarpapäkunga. Lei 2 Timoteo 2:24, 25.

Bibliata estudiarmi espiritual kajcho más pogunki y Jehovawan amigo kayman chanki. Pensariy, gamga Diospa kuyashga familianchömi kayta puedinki. Lei 2 Corintios 6:18.

Ama dejaychu Diospa Palabrampita yachakuyta (Hebreos 5:13, 14). Juk Jehovapa testigunta mañakuy ¿Qué nos enseña la Biblia? nishgan libruwan Bibliapita yachachishunaykipaj. Más yachakuptikega kawaynikichömi más kushishga kanki. Lei Salmo 1:1-3 y 73:27, 28.

Bibliacho kaykaj ali wilakuykunaga kushishga Dios Jehovapitami shamun, y paymanga witiyta puedinki sirvejninkunawan congregakarmi (Hebreos 10:24, 25). Y Jehovapa munayninta ganas ganasla ruraptikega mana wanuypa kawaytami chaskinki. Awmi, imapitapis más aliga Diosman witingaykimi. Lei 1 Timoteo 1:11 y 6:19.