Pilatapis perdunarga manana yarpashwannachu ofendimashganchita ni nanapärishwannachu. Cayga manami ninanchu jinalami jaguirinapaj, sinoga ima pasashganpita parlarcushwan.

BIBLIAGA NIN: “Jagayächinacur-imarga perdunanacuy” (Colosenses 3:13, Tayta Diosninchi Isquirbichishan).

Aaron jutiyoj runaga nin: “Pilatapis cuyashpanchiga, manami yarpashwannachu pastashgancunamana, sinoga ali rurananpaj calpachacushganta ricashwan”.

Rabiashgala cacurga, gueshyapis rasla charishunqui, nircur mishiwan algu goyajno majayquiwan goyanqui.

Julia jutiyoj warmi nin: “Juc cuticho runä perdunta mañamargan, alapa sasa cargan laquichimashganpita perdunanäpaj. Chayno captinpis perdunargämi. Más aliga canman jinan horacho perdunaptë, chaynopa mana ajayash cacömanchu cargan”.

YARPACHACUY

Majayquipa ruraynincuna laquichishuptiquiga, cayman yarpachacuy:

• ¿Imalapitapis jucla rabiacurinqui?

• ¿Perduntaraj mañashunayquita munanqui, o gongayta puedinquichu?

MAJAYQUIWAN PARLACÄRINAYQUIPAJ

• ¿Imalapis captinga jinan horachocu perdunacunanchi?

• ¿Imacunataraj rurashwan jinan hora perdunacunanchipaj?

CAYCUNATA RURAY

• Majayqui laquichishuptiquiga, ama yarpaychu adrede rurashganta.

• Lapanchimi imalachopis pantanchi, chaymi ama rasla piñacuychu majayquiwan (Santiago 3:2).

Kimberly jutiyoj warmi nin: “Ishcanchi pantarcuptinchiga facilmi perdunacunanchi, pero juclayla pantaptinga manami facilchu. Humilde cananchi pitapis shongupita perdunanapaj”.

BIBLIAGA NIN: “Jukla arreglapäkuy” (Mateo 5:25).