Taytacuna wamrancunawan cada cadala parlaptinga, juccnin jucninpis imano yarpashganta musyananpaj yanapanga.

Öraga sasami canman jipash o mozo wamracunawan parlanayquipaj. Tú no me escuchas, yo no te entiendo nishgan librupis wilacun imano taytacuna sienticärin, chaycho nin: “Wamracuna tacshala captinga facil-la parlapanqui, puncu llaviynaj caycajno caycan. Pero jipashna o mozuna captinga, puncu llaviraycajno caycan, manana facilchu parlapänayquipaj”. Chayno captinga, shumajrämi calpachacunquiman paycunawan parlarcunayquipaj.

Wamrayquita wiyay. Paycunaga mayraj parlacunmi, imay horaraj ushanmanpis, chaymi tiempuyquita raquiy shumaj wiyanayquipaj.

Juc mama cayno nin: “Öraga capazchi ninquiman: ‘Goyati gamwan caycashgä, ¿canan horaraj paylacuyta munanqui?’. Wamrayqui imalatapis wilapäshunayquita munaptinga, cushicunquiman, maychicaj taytacuna wamrancunawan parlacuyta munarpis, manami puedipäcunchu”.

Juc tayta cayno nin: “Tarde horaraj punuyta manami gustamanchu, chayno captinpis wamräcunawan shumaj parlapäcushcä pulan pagas pasarcuptinraj”.

BIBLIAGA NIN: “Quiquillanchi alli goyänanchipäga ama yarpäshunchu. Chaypa ruquenga waquinpis alli goyänanpaj yarpanquiman” (1 Corintios 10:24, Tayta Diosninchi Isquirbichishan).

Atentula wiyay. Juc tayta cayno nin: “Wamräcuna parlapaycämaptin juc ruraycunaman yarpar galaycuptëga, paycunaga cuentata gocärin”.

¿Imaylapis chayno pasashushgayquichu? Chayno captinga, wamrayquita atentula wiyanayquipaj televisiunta o celularniquitapis juc läduman churarcuy. Chayno ruraptiquiga, paycuna cushicäringa y lapan pasashgancunata wilapäshunqui.

Juc warmi cayno nin: “Wamracunaga imano sienticushganta cuentaman churanayquipaj munan, chayta mana rurarga japalannomi sienticur juccunapa yanapacuyninta ashinga”.

Anthony jutiyoj runa nin: “Wamracuna lutanta parlaptinpis, juclaga rabiacunquimanchu”.

BIBLIAGA NIN: “Shumaq mayapäkamay” (Lucas 8:18).

Imay horachopis parlapay. Jovincunaga munashgan horalacho parlacuyta munan taytancunawan.

Juc warmi nin: “Nogapäga wamräwan más fácil parlanapaj cashga viajipa aywapäcuptë, junto jamaraycarga yanapämashga shumaj parlapäcunapaj”.

Micushpanchi horachopis alimi canman parlarcunayquipaj, chaychoga junto carcaycanqui.

Robin jutiyoj runa nin: “Merienda horachoga lapäcuna wilanacärë chay junajcho imacunapa pasapäcushgäta. Caycunaga yanapaman ima problemacunatapis junto alchanapaj”.

BIBLIAGA NIN: “Yachaj-tucur alläpa parlayga manami allichu. Waquinpis parlananpaj upälla cacunqui” (Santiago 1:19, TDI).