Ri chʼoj che tajin kkʼulmataj pa Ucrania ukʼutum che kʼi chke ri kʼamal taq bʼe re ri kojonem tajin kkiya ri kitobʼanik pa ri chʼoj. Chqilaʼ ri tajin kkibʼano:

•   «Kqaj kqamaltyoxij chke ri ajchʼojabʼ re Ucrania rumal che tajin kkitoʼ uwiʼ ri kitinamit chuwach ri kikʼulel [...]. Xaq ta itukel ix kʼolik, xaneʼ rukʼ ri qachʼawem y ri qatobʼanik kqaj kixqatoʼo» (metropolitano Epifanio I de Kiev, The Jerusalem Post, 16 re marzo 2022).

•   «Pa ri domingo, ri kʼamal bʼe re ri kojonem ortodoxa xubʼan jun misa pa kiwiʼ ri ajchʼojabʼ rusos y pa wajun misa riʼ xubʼij chke che kkitoʼ uwiʼ ri kitinamit ‹rumal che xaq xiw ri areʼ kekun che ubʼanik›. Are kʼu ri tinamit Moscú, uyaʼom ta kan ubʼanik ri chʼoj pa Ucrania» (Reuters, 3 re abril 2022).

 ¿La utz kebʼe ri cristianos pa chʼoj? ¿Jas kubʼij ri Biblia?

 Ri Biblia kubʼij che ri qastzij cristianos kkiya ta ri kitobʼanik pa ri e chʼoj.

•   «Chatzelej ri achʼichʼ pa ri kʼolbʼal rech. Konojel kʼut ri kkikoj chʼichʼ, che chʼichʼ kekamisax wi» (Mateo 26:52).

   We jun winaq kuya ri utobʼanik o kbʼe pa ri chʼoj, ¿la tajin kunimaj ri xubʼij ri Jesús?

•   «Jun kʼakʼ taqomal kinya chiwe: Chiloqʼoqʼelaʼ iwibʼ. Je jas ri in ix nuloqʼoqʼem, xuqujeʼ ri ix chiloqʼoqʼelaʼ iwibʼ. Rumal kʼu waʼ konojel kketaʼmaj na chi ix nutijoxelabʼ, we kiloqʼoqʼelaʼ iwibʼ» (Juan 13:34, 35).

   We jun winaq kuya ri utobʼanik pa ri chʼoj, ¿la tajin kukʼut ri loqʼoqʼenik re jun qastzij cristiano junam rukʼ ri xubʼij kan ri Jesús?

 We kawaj kawetaʼmaj más, chasikʼij ri kʼutunem «El cristianismo y la guerra: ¿son compatibles?».

 ¿La kekun ri cristianos kebʼe ta pa chʼoj? Jeʼ, kekunik. Ri Biblia xubʼij che pa taq ri qaqʼij o «ri kʼisbʼal taq qʼijol», e kʼi winaq kkiya ta kitobʼanik che «ubʼanik chʼoj» junam rukʼ ri xubʼij kan ri Jesús (Isaías 2:2, 4).

•   Rech kawetaʼmaj más cheʼasikʼij ri e kʼutunem re ri wuj La Atalaya «¿Qué piensa Dios de las guerras?».

 Naj ta chi kraj ri Jehová, a «ri Dios aj jamaril», kukoj na ri uQʼatbʼal tzij rech «keresaj pa ri latzʼ xuqujeʼ pa ri riqoj kʼax» ri e winaq (Filipenses 4:9; Salmo 72:14).

•   Rech kawetaʼmaj más jas kubʼan che ubʼanik wariʼ, chawilaʼ ri video ¿Jas riʼ ri Rajawbʼal ri Dios?