Job 38:1-41
38 Tsëpitanam Teyta Jehoväqa fuerti vientu rurimpita Jobta kënö contestarqan:+
2 “¿Pitan imatapis decidinqä mana alli kanqanta nikan,y mana musyashpa imatapis parlëkan?+
3 Qamta tapuptï contestamänëkipaq,shumaq alistakuy y ollqunö portakuy.
4 ¿Mëchötan këkarqëki patsapa cimientunta churanqä höra?+
Imatapis alli entiendirqa, mä tsëta nimë.
5 Musyaptikiqa, ¿pitan ima tamäñu kanampaq kaqta nirqano cordelwan medirqan?
6 ¿Ima jananchötan cimientun këkano pitan maestra rumin churarqan?+
7 ¿Imëtan patsa waraptin yarqamoq estrëllakuna* kushikur qayëkachäyarqan,+y Teyta Diospa tsurinkuna*+ kushikur pëta alabayarqan?
8 Lamar yaku sitiumpita yarqamuptin,¿pitan mëyaqlla chänampaq punkun churarqan?+
9 Noqam pukutëwan tsaparqä,y yana pukutëwan piturqä.*
10 Mëyaqlla chänampaqmi lindërun churarqä,y tsëpita mana pasanampaqmi punkun churarqä.+
11 Tsëpitam kënö nirqä:
‘Këyaqllam chämunki, manam masqa pasankitsu.
Mëläya laqcheqsarpis manam këpitaqa pasankitsu’.+
12 ¿Imëllapis patsa warëta mandarqunkikuo mëchö yurimunampaq kaqta yachatsirqunkiku,+
13 tsënöpa patsapa kuchunkunayaq ëwarmana alli ruraqkunata qarqunampaq?+
14 Jananman sellayaptin mitu cambianqannömi, aktsipis patsata cambiatsin,y patsachö kaqkunaqa röpachö adornunöran chipapäkuyan.
15 Peru mana allita ruraq nunakunaqa aktsinnaqy rikrankuna warkurëkarmi quedayan.
16 ¿Imëllaqa yëkurqunkiku lamar yaku pashtamunqanyaq?
¿O lamar rurinchö ima kanqanta rikarqunkiku?+
17 ¿Imëllapis rikätsiyäshurqunkiku wanuypa punkunta?+
¿O imëllapis rikarqunkiku ampiraq o tsakaq* sitiupa punkunta?+
18 ¿Musyankiku patsa imanö jatun kanqanta?+
Tsë llapanta musyarqa, mä niramë imanö kanqanta.
19 ¿Musyankiku aktsipa wayin mëchö kanqanta?+
¿O musyankiku ampi o tsakë* mëchö päranqanta,
20 tsënöpa päranqan sitiuman pushanëkipaqy wayinman ëwaq nänita reqinëkipaq?
21 ¿Tsë tiempupaq yurishqana karkuo atska watayoqna karku tsëkunata musyanki?
22 ¿Yëkurqunkiku rashta* churaränan cuartuman+o rikarqunkiku runtu tamya churaränan cuartuta?+
23 Tsëtaqa llakikuy tiempupaq,y guërra tiempupaqmi churarqö.+
24 ¿Musyankiku mëpita atsikyämunqanta,*+y inti o rupay yarqamunan lädupita shamoq vientu mëpita yarqamunqanta?
25 ¿Musyankiku tamyapaq sekyakunata,y räyupaq y yana pukutëpaq nänita pï ruranqanta,+
26 tsënöpa mana ni pï kawanqantsunyaq sitiuman tamyamunampaq+
27 y mana imapis kanqan tsunyaq sitiukunachöimallapis jeqamunampaq?+
28 ¿Pitan tamyapa teytan,+y pipa tsurintan shullyaqa?*+
29 ¿Pitan rajupa* mamany pitan ciëlupita shikwamoq qajata* wachashqa?+
30 Tsëwanmi qocharaq yakupis rumiwan tsapashqanö këkan,y mëtsika yaku janampis chukrum quedarin.+
31 ¿Puëdinkiku Kimä* jutiyoq estrëllakunata watëtao Kesil* jutiyoq estrëllakunata paskëta?+
32 ¿Puëdinkiku mëqan estrëllakunatapistiempunchö yarqamunampaq mandëta,o Ash* jutiyoq estrëllakunata y wawankunata pushëta?
33 ¿Musyankiku ciëlukunachö ima leykuna kanqanta+o puëdinkiku patsachö kaqkunata tsë leykunawan* dominëta?
34 ¿Janëkiman tamyamunampaqpukutëta mandëta puëdinkiku?+
35 ¿Puëdinkiku räyukunata mandëta?
¿Y qamman shamurtsuraq ‘këchömi këkäyä’ niyäshunki?
36 ¿Pitan pukutëta* yachëyoqta kamashqa+o ciëluchö kaqkunata alli entiendeqta rurashqa?+
37 ¿Pitan alläpa yachaq kar pukutëta yupëta puëdino pukutëchö yakuta ciëlupita jichamuyta puëdin,+
38 tsënöpa allpa mituman tikranampaqy kurpakuna juntakäyänampaq?
39 ¿Puëdinkiku leon mikunampaq ima animaltapis tsarita*o malta leonkunapa pachankunata juntatsita,+
40 machëninkunachö jitarëkäyaptino machëninkuna punkupita imatapis rikarëkäyaptin?
41 ¿Pitan cuervukunata mikuynin qaran,+llullunkuna yanapëkunäpaq qayayaptiny mallaqar wakpa këpa purikachäyaptin?
Nötakuna
^ O “angelkuna”.
^ Tsënö nirqa, hebreu idiömachöqa angelkunapaqmi parlëkan.
^ O “pañalwannö wankurqä”.
^ Kënöpis niyanmi: tutapaq.
^ Kënöpis niyanmi: tutapë.
^ Kënöpis niyanmi: rapi; janka.
^ O capazchi “räyumunqanta”.
^ Kënöpis niyanmi: shullaqa; shushalqa; shushaqa.
^ Kënöpis niyanmi: rapipa; jankapa.
^ Kënöpis niyanmi: rapita; jankata.
^ Tsënö nirqa, capazchi Tauru niyanqan grüpu estrëllakunachö këkaq Plëyades nir reqiyanqampaq parlëkan.
^ Tsënö nirqa, capazchi Orion nir reqiyanqan estrëllakunapaq parlëkan.
^ Tsënö nirqa, capazchi Ösa Mayor nir reqiyanqan estrëllakunapaq parlëkan.
^ O “Diospa autoridäninwan”.
^ O capazchi “nunata”.
^ Kënöpis niyanmi: achkuyta.
