53 KAQ YACHAKUNËKIPAQ
Kushikunëkipaq imata ruranqëkipis Jehovä munanqannö katsun
Teytantsik Jehoväqa ‘kushishqa Diosmi’ (1 Timoteu 1:11). Pëqa munan imëpis kushishqa kanantsiktam. Tsëmi trabajar o imëkata rurarpis tiemputa rakinantsik japallantsik o jukkunawan juntakar imakunallatapis rurar kushikunapaq. Këchömi yachakunki, kushikunëkipaq imakunata ruranëkipaq kaqta, y Jehoväta imanö kushitsinëkipaq kaqta.
1 KAQ: Ima rurëtapis kushikunapaq akranqantsik höra, ¿imatataq cuentachö katsinantsik?
¿Imakuna rurëtan gustashunki? Wakinkunataqa gustan libruta leyi, müsicata wiyë, pelïculata rikë o Internetchö imatapis leyi o rikëmi. Wakinkunatanam gustan amïgunkunawan pureq ëwë o pukllë. Peru ima rurë gustamashqapis cuentachömi katsinantsik “Señorpa rikëninchö ima alli kanqanta” (Efesius 5:10). Musyanqantsiknöpis, nunakuna rurayämunqan pukllakunachö o videukunachöqa maqanakoqkuna, melanëpaqkunata ruraqkuna y brujerïa cösaskunam kan. Tsëmi kushikunapaq imata rurarpis Jehoväta gustanqanta o mana gustanqanta cuentachö katsinantsik (leyi Salmus 11:5). ¿Imaraq yanapamashwan ruranapaq kaqkunata alli akranapaq?
48 kaqchö yachakunqëkinöpis, “yachaq nunakunawan pureq kaqqa yachaqmi tikranqa”. Peru Jehovä mandakunqankunata mana cäsukoqkunawan imëpis juntakoq kaqqa “mana allichömi ushanqa” (Proverbius 13:20). Tsëmi, Jehoväta kuyaqkunawan amïgu kanqantsikqa yanapamäshun kushikunapaq imata akrarpis allita akranapaq.
2 KAQ: Kushishqa karinapaq imata rurarpis, ¿imanirtan tiempuntsikta alli rikänantsik?
Kushishqa karinapaq ruranqantsikkuna alli kaptimpis, tsëkunallachö atska tiempupa kakushqaqa manam tiempuntsik kanqanatsu mas väleq kaq cösaskunata ruranapaq. Tsëmi Bibliachöqa nimantsik, ‘tiempuntsikta alli provechanapaq’ (leyi Efesius 5:15, 16).
MASLLA YACHAKUSHUN
Kushikunëkipaq imata rurëta munarpis, alliraq akranëkipaqmi yachakushun.
3 KAQ: Mana alli rurëkunapita cuidakuy
Kushikunapaq imata rurarpis, ¿imanirtan alli pensanantsik imata akranapaq kaqta? VIDEUTA rikäyë y këkunapaq parlayë:
-
¿Imanirtan nintsik kanan witsan pukllakunata rurayämunqanqa, Römachö unë witsan pelyakunanölla mana alli kanqanta?
-
Videuchö rikanqantsiknöpis, ¿imatataq Dani cuentata qokurqan?
Leyiyë Romänus 12:9 ima ninqanta y këpaq parlayë:
-
Kë textuchö ninqanqa, ¿imanötan yanapamantsik kushikunapaq imata rurarpis alli akranapaq?
¿Imakunata rurayanqantan Jehoväta gustantsu? Leyiyë Proverbius 6:16, 17 y Gälatas 5:19-21 ima ninqanta, y cada textuta leyirir këpaq parlayë:
-
¿Kanan witsan kushikuyänampaq imakunata rurayanqantan kë versïculukunachö ninqanwan igualan?
¿Imanötan kushikunëkipaq imatapis alli akrankiman?
Kënö tapukuy:
-
¿Imatataq akrëkä? ¿Kë akrëkanqäqa Jehoväta gustanku?
-
¿Imëtan kanqa? Tsë junaqqa, ¿imakunatataq ruranä?
-
¿Pikunawantan kanqa? ¿Jehoväta mana sirweq nunakunawantsuraq juntakäshaq?
Jehovä melananqan rurëkunapitaqa alläpam cuidakunantsik. Tsëmi kushikunapaq imata rurarpis alli akranantsik.
4 KAQ: Tiempuykita cuentachö katsi
VIDEUTA rikäyë y këpaq parlayë:
-
Videuchö rikanqantsik wawqi kushikunampaq ruranqan alli kashqa kaptimpis, ¿imanirtan nintsik tiempunta mana alli utilicëkanqanta?
Leyiyë Filipensis 1:10 ima ninqanta y këpaq parlayë:
-
¿Imanötan kë versïculuchö ninqan yanapamantsik kushikunapaq imata rurarpis tiempuntsikta cuentachö katsinapaq?
5 KAQ: Alli kaqkunata imëpis akrë
Musyanqantsiknöpis, Jehoväqa manam munantsu mana alli rurëkunata kushikunapaq akranata. Pëqa munan kushikunapaq imata akrarpis mandakunqankunata cäsukur kushishqa kanatam. Leyiyë Eclesiastes 8:15 y Filipensis 4:8 ima ninqanta y këpaq parlayë:
-
¿Qamtaqa kushikunëkipaq imakuna rurëtan gustashunki?
Kushikunapaqqa imëkatam rurëta puëdintsik.
WAKIN IMA NIYANQAN: “Brujerïa cösaskunata, pelyata, wanutsinakuyta o melanëpaq rurëkunata rikanqantsikllawanqa manam imapis pasantsu. ¡Mana alliqa kanman tsëkunata rurashqam!”.
-
¿Qamqa ima ninkitan?
KËTAM YACHAKURQUNKI
Jehoväqa manam munantsu mana gustanqankunata rurar kushikunata, sinöqa alli kaqkunata rurar kushikunatam.
¿Yarpankiku?
-
¿Imakunapitataq cuidakunantsik kushikunapaq imata rurarpis?
-
¿Imanirtan tiempuntsikta cuentachö katsinantsik kushikunapaq imata akrarpis?
-
Kushikunëkipaq imatapis akrarqa, ¿imanirtan akrankiman Jehovä gustanqan kaqkunata?
MASTA YACHAKUY
¿Pikunatan decidiyänan kushikuyänampaq imata rurayänampaq kaqtaqa?
Kushikunëkipaq imata rurarpis alli akranëkipaq ima yanapashunëkipaq kaqta leyi.
“¿Alliku akrëkantsik kushikunapaq rurëkunata?” (Täpakoq, 1 de octubri 2011)
Mana alli cösaskunawan kushikoq nunata cambianampaq ima yanapanqanta leyi “Yulaq nunakuna chikitam haqirqä” neqta.
“Bibliam yanapashqa hukläyana kawakuyänampaq” (Täpakoq, 1 de marzu 2010)
Demoniukunata gustanqanta rikätsikoq videuta mana rikänampaq juk warmi decidinqanta rikë.
