1. Mana alli mundochömi kawantsik;

Diosta manam reqiyantsu.

Diospa yachatsikïnintam wanantsik

Kushishqa kawakunapaq.

Reunionkunaqa kushitsimantsikmi;

Diosmanmi wititsimantsik.

Allita ruranapaq yachatsikun,

Y kallpatapis qomantsik.

Mandakunqanta manam haqishuntsu;

Ninqan rurëtam munantsik.

Reunionchöqa allitam yachakuntsik,

Diostam más kuyatsimantsik.

 2. Jehoväqa musyanmi wananqantsikta;

Ninqantam wiyakunantsik.

Reunionpaq ëllukar rikätsikushun

Yachakï munanqantsiktam.

Yachatsikayämunqanta wiyakur

Markäkïta yachakushun.

Congregación këkaptinqa, manachi

Hapallantsikqa kashuntsu.

Tsëmi shumaq kawakï chämunqanyaq

Llapantsik ëllukëkäshun.

Kë reunionkunachömi Dios nimantsik

Munanqannö kawanapaq.