1. Diospa markampa kushikïnin,

Mirëkaq tesöronömi.

Hinantin nación nunakunam

Shayämun Diosman yärakur.

Shonquntsikpa kushikïninqa,

Bibliata leinqantsikpitam.

Llapan hunaq yachakunqantsik

Yanapakun kawanapaq.

Kushikïnintsikqa rasumpam,

Shonquntsikchö ninanömi.

Aja, sasa tiempo kaptimpis,

Jehová kallpata qomantsik.

 2. Kushim rikantsik rurashqanta,

Cielo, Patsa, lamartapis.

Palabranchömi rikëkantsik,

Makinwan Pë ruranqanta.

Mana mantsashpam willakuntsik

Jehoväpa Gobiernompita,

Y apamunampaq kaqtapis

Kushishqam willakïkantsik.

Wiñe kushikï chäramunnam,

Patsa waraq atsikyënö.

Y mushoq Patsa, mushoq cielo,

Kushikïtam apamunqa.