Wakin nunakuna niyanqan

Juk jatun desgraciarëkur y nunakuna rurayanqan bombakunarëkurmi, entëru Patsa chipyëpa ushakanqa. ¿Y qamqa ima ninkimanraq?

Biblia yachatsikunqan

Armagedonqa manam juk sitiutsu. Tsëqa “Llapanta Puëdeq Diospa jatun junaqninchö” mana alli ruraq nunakuna ushakätsishqa kayänampaq kaqtam rikätsikun (Revelacion [Apocalipsis] 16:14, 16).

¿Ima mastataq Biblia yachatsikun?

• Diosqa manam Patsata chipyëpa ushakätsinampaqtsu Armagedon guërrata ruranqa, sinöqa kë Patsata nunakuna mana ushakätsiyänanta munarmi (Revelacion 11:18).

• Llapan guërrakunam Armagedonwan ushakanqa (Salmus 46:8, 9).

¿Y qamqa ima ninkimanraq?

• Awmi

• Manam

• Itsapis

Biblia yachatsikunqan

Llapan nacionkunapita “mëtsikaq nunakuna[m]”, “alläpa jatun sufrimientukunapita” y Armagedon guërrapita salvakuyanqa (Revelacion 7:9, 14).

¿Ima mastataq Biblia yachatsikun?

• Armagedon guërrachö llapan nunakuna salvakuyänantam Diosqa munan. Y Pëqa mana alli ruraq nunakunatam ushakätsinqa (Ezequiel 18:32).

• Bibliaqa imata rurar salvakunapaq kaqtam willakun (Sofonïas 2:3).