“Mëtsëchömi jövinkuna tranquïlunatsu kawakuyan, y tsëqa alläpa yarpachakuypaqmi. Tsënö kanampaqqa redes sociales niyanqanmi masqa culpayoq” (Vivek Murthy, Salud Pública de Estados Unidos niyanqanchö director general. New York Times, 17 de juniu 2024).

 ¿Imataraq wamrayoq kaqkuna rurayanman tsë peligrupita wamrankunata cuidayänampaq? Bibliachö shumaq consëjukunata këchö yachakuy.

 Bibliachö ima ninqanta yachakurishun.

 Proverbius 14:15 textuchömi kënö nin: “Pensëta yachaq nunaqa, imata ruranampaqpis alliran pensan”.

 Redes sociales niyanqanchöqa imëka peligrukunam kan, tsëmi wamrayoq kaqkunaqa alliraq rikäyänan tsëkunata utilizäyänampaq wamrankunata permitiyänampaq o mana permitiyänampaq kaqta. Wamrankunata permitiyänampaqqa, këkunatam alliraq pesayänan: Wamrëkikunaqa, ¿respetayanqatsuraq ëka tiempulla utilizäyänampaq kaqta patsätsinqëkita? ¿Cuidakuyta yachayanqatsuraq mana alli amïgukunapita? ¿Cuidakuyanqatsuraq mana allikunata mana rikäyänampaq?

•   Wamrëkikunata yanapanëkipaq masta musyëta munarqa, “¿Deberían mis hijos usar redes sociales?” neqta y “Enséñele a su hijo adolescente a usar con seguridad las redes sociales” neqta leyi.

 Efesius 5:16 textuchömi nin ‘tiempuntsikta alli provechanapaq’.

 Redes sociales niyanqanta wamrëkikuna utilizänanta permitirqa, alli cläru willë ëka tiempulla utilizäyänampaq kaqta y imapita y imanö cuidakuyänampaq kaqta. Imëpis alkäbu kë imanö portakuykäyanqanta, tsëmi yanapashunki utilizäyänanta permitinëkipaq o manana permitinëkipaq kaqta cuentata qokunëkipaq.

•   Redes sociales niyanqanchö wamrëkikuna alläpa unë mana kayänampaq Si usas las redes, no te enredes neq videuwan shumaq yachatsi.

 Bibliachö ninqannömi ‘alläpa mana alli y mana aguantëpaqnö tiempukunachö’ kawëkantsik (2 Timoteu 3:1-5). Tsënö tiempuchö kawashqapis, Bibliachö këkaq consëjukunaqa alläpam yanapakun. “Kanan tiempu jövinkuna y shipashkunaqa imëpitapis masmi llakishqalla kakuyan” neqta leyirmi tarinki veintipitapis masta yachakunëkipaq rurayämunqankunata y videukunata. Tsëkunaqa papä kaqkunata y wamrakunatam yanapan.