LECCIÓN 06
¿Causaiga imashinadi tiyai callarirca?
“Causaiga canmundami [Diosmundami] shamun” (Salmo 36:9). ¿Quiquinga caida cringuillu? Huaquin gentegunaga causaiga degana nipi rrurrajpi tiyai callarishcada criin. Yangamunda cai allpabi causajushaga, ñucunchi causaiga nima sentido na charinllu. Pero, Jehová causaida callarichishca gajpiga yangamundaga na tiyaimunllu garcanchi, ¿nallu? a Bibliabi causai imashina tiyai callarishcada liyish, caibi imamunda crii pudishcada rricui.
1. ¿Universoga imashinadi tiyai callarirca?
Bibliabiga: “Callaribiga, Taita Diosga jahua cieloda y cai allpada rrurrarca” nin (Génesis 1:1). Ashca cientificogunami universoga shuj callarida charishcada criin. ¿Taita Diosga universoda imashinadi rrurrarca? Paiga cai universobi tiyaj galaxiagunada, estrellagunada y planetagunadaga, paibu fuerzada o espíritu santoda utilizashmi rrurrarca (Génesis 1:2).
2. ¿Taita Dios cai allpadaga imabushi rrurrarca?
Jehová Diosga “cai allpadaga deganaga na rrurrarcallu, sino que chaibi causallunmi rrurrarca” (Isaías 45:18). Paimi cai allpabi genteguna para siempre causai pudillun tucuida juila, allida rrurrarca (Isaías 40:28 y 42:5-da liyi). Cientificogunaga cai allpaga diferentemi gan nin. Chaimundami gentegunaga cutishuj planetabiga na causai pudin.
3. ¿Gentegunaga, animalgunamundaga imabidi diferente ganchi?
Jehová Dios cai allpada rrurrashca jipaga, chaibi tucui causaida charijgunada rrurrarca. Puntaga cai allpabi plantagunada y animalgunada rrurrashmi jundachirca. Jipaga “Diosmi gentegunada pai layada rrurrarca” (Génesis 1:27-da liyi). ¿Imamundadi animalgunamunda diferentes ganchi? Dios pai layada rrurrashcamundami pai shina juyaida y justiciada rricuchi pudinchi. Shinalladi, pai ñucunchigunada diferente idiomagunada yachallun, pai rrurrashcagunada rricullun, y musicagunada uyash contento causallunmi rrurrashca. Animalgunamunda diferente gashcamundami ñucunchiga Taita Diosda adorai pudinchi.
CAI TEMAMUNDA MÁS YACHASHUNCHI
Taita Dios tucui causaida charijgunada rrurrashcada, shinalladi Bibliabi nishcaguna cierto gashcadami rricugrinchi. Ashtaunbish gentegunabu cualidadguna Taita Diosmunda imada yachachishcadami rricushun.
4. Causaida charijgunaga shuj rrurrajtami charin
Cai allpabi tiyaj cosasgunada rricush, aparatogunada rrurraj gentegunamunga reconocimientoda cunmi, y con más razón ¿nallu Taita Diosda tucuida rrurrashcamunda agradicina ganchi? VIDEODA rricush caimunda parrlaichi:
-
Cai allpabi tiyaj cosasgunamunda, gentegunaga ¿imadadi copiash rrurrashca?
Tucui huasigunaga pish rrurrajpimi tiyan. Pero ¿cai allpabi tiyaj cosasgunadaga pidi rrurrarca? Hebreos 3:4-da liyish, chaimunda parrlaichi:
-
Cai allpabi tiyaj cosasgunamundaga ¿imadadi más munangui?
-
¿Universobi tiyashca cosasgunaga pish rrurrajpi tiyashcadallu cringui? ¿Imamunda?
¿Yacharcanguillu?
Cai temamunda huaquin articulogunada y videogunadaga, jw.org paginabimi taringui “¿Lo diseñó alguien?” y “Opiniones sobre el origen de la vida” nishca temabi mascai.
“Ari, huasiga pish rrurrajpimi tiyan, pero tucuida rrurrajga Taita Diosmi”.
5. Bibliabiga Taita Dios tucuida rrurrashcadami rricuchin
Génesis capítulo 1-bimi, cai allpa y caibi tucui tiyaj cosasguna imashina tiyai callarishcada huillan. Cai historiaga ¿ciertoshi gan o yanga cuentollu gan? Cai VIDEODA rricush caimunda parrlaichi:
-
¿Bibliabiga cai allpada y caibi causaida charijgunadaga solo 6 funchagunabi rrurrashcadallu nijun?
-
Bibliabi Taita Dios tucuida rrurrashca nishcagunaga, ¿ciertollu gan? ¿Imamunda?
Génesis 1:1-da liyish, chaimunda parrlaichi:
-
Ashca cientificogunami universoga shuj callarida charishcada nin. ¿Cientificoguna yuyashcaun, Bibliabi liyishcaunga igualitollu gan?
Huaquin gentegunaga cashnami yuyan: Diosmi uchilla curugunamunda causaida callarichish, jipamun evolucionash catillun saquirca. Génesis 1:21, 25, 27-da liyish, chaimunda parrlaichi:
-
¿Bibliabiga Dios uchilla curugunada rrurrashca jipa, pescadoguna, huaquin animalguna, y genteguna tiyash catillun saquishcadallu yachachin? ¿O paillu tucui laya causaida charijgunada rrurrarca? b
6. Taita Dios rrurrashcagunamundaga, gentegunaga diferentemi ganchi
Ñucunchiga animalgunamundaga diferentemi ganchi. Génesis 1:26-da liyish, chaimunda parrlaichi:
-
Ñucunchiga Taita Dios laya rrurrashca gashcamundami, llaquish juyaida rricuchi pudinchi. ¿Caiga Jehová Diosmundaga imadadi yachachin?
HUAQUINGUNAGA NINMI: “Taita Dios tucuida rrurrashca parrloga, yanga cuentollami gan”.
-
¿Quiquinga imadadi yuyangui? ¿Imamunda?
RESUMEN
Jehová Diosga universoda y chaibi tucui tiyashcagunadami rrurrarca.
Repaso
-
Universo imashina tiyai callarishcamundaga ¿Bibliaga imadadi yachachin?
-
¿Taita Diosga uchilla curu evolucionash, tucui laya causai tiyallunllu saquirca? ¿O paillu tucuida rrurrarca?
-
¿Gentegunaga imabidi diferentes ganchi?
ASHTAUN YACHAI
Naturalezabu huaquin ejemplogunaga, shuj rrurraj tiyashcadami rricuchin.
“¿Qué nos enseña la naturaleza?” (¡Despertad!, septiembre de 2006)
Shuj taita paibu huahuamun Taita Dios tucuida rrurrashcada imashina explicajujta rricui.
Evolucionbi yachachishcaun, Bibliabi yachachishcaun ¿igualitollu gan?
“¿Creó Dios los distintos tipos de seres vivos mediante la evolución?” (Artículo de jw.org)
Ñaupa tarishca tulluguna, y cientificoguna rrurrashca experimentogunaga: causai na yangamunda tiyashcada rricuchin.
El origen de la vida. Cinco cuestiones dignas de análisis (Folleto)
a Lección 25-bimi Taita Dios gentegunada imabu rrurrashcada parrlan.
b Bibliabiga género palabradaga tucui laya causaida charijgunadami nisha nin. Cientificogunaga cai palabradaga cutishuj yuyaiun utilizan.
