Tata Yaya munan paspi y cusisckas únay unáypaj causanaycúpaj ashpapi suj jardín ina ’ruascka.

Pero ckam pensayta atinqui: «¿Imaina chá ’ruacuyta atin?» Biblia yachachin ima Yáyap Reinun chayta lógraj ’rin. Tata Yaya munan tucuycuna cá Reinumanta yachanancuta y túcuy cá Reinu ’rúaj ’risckanta (Salmo 37:11, 29; Isaías 9:7).

Tata Yaya munan allít purinaycuta.

Quiquin suj Tata, ima munan alli casckanta huaasnincúpaj, Yaya munan únay unáypaj cusisckas causanaycúpaj (Isaías 48:17, 18) Pay prometen: «pi Yaya munasckanta ’ruan únay unáypaj [cáusaj ’rin]» (1 Juan 2:17).

Tata Yaya munan huellasninpi purinaycuta.

Biblia yachachin ima Yaya munan «ñanninmanta» yachachiayshta «huellasninpi» purináyshpaj (Isaías 2:2, 3). Pay organisara «suj pueblu pay sutínpaj» pay munasckanta túcuy ashpapi ’rejsichicunánpaj (Hechos 15:14).

Yaya munan cuscayasckas payta adoranaycuta.

Alli religiun mana gentét caruyachin manapé cuscayachin munaypi (Juan 13:35). ¿Picunas yachachishcancu ckarista y huarmista túcuy lausmanta Yayát cuscayasckas siruinancúpaj? Invitasuycu mascanayquita chá respuesta cá folletupi.